Saikul, Nailur 9: Ka Kuki Inpi bad ki seng bhalang jong ka Saikul ki la pan jingshai na ka sorkar halor ka jingpynbna ba la don ka jingkhynra ha ka ktem ba la buh kyrpang ban pynsangeh ïa ki kam (Suspension of Operations camp) ha Gampum ha ka Kangpokpi District jong ka jylla Manipur.
La iathuh ba ia kane ka jingkhynra la pynlong ha ka por mynstep jong ka 7 tarik u Nailur, la kynnoh ba ka kynhun ba la iatreilang jong ki CRPF CoBRA, RAF, ki pulit ka Manipur bad ki kynthei pahara ki la iashim bynta ha kane ka jingkhynra.
Ki seng ki la kam ba la kem ia katto katne ngut ki dkhot.La iathuh ba la lap ruh ia ka jaka buh tiar bad ki kuli kiba heh bha.
Ha ka jingkynthoh, ki kynhun ki la buh jingkylli ia ka nongrim bad ka jingthmu jong katei ka jingkhynra.Ki la kylli hato don kano kano ka jingkynnoh ba la pynkheiñ ïa ki kyndon jong ka SoO la ïakren shwa da ka Joint Monitoring Group.
Ki kynhun ki la kynnoh ruh ba ki bor pahara ki la pyndonkam da ka bor ha ka por ba pynlong ia ka jingkhynra.Hynrei ym shym la don kano kano ka jubab kaba thikna halor kitei ki jingkynnoh.
Kane ka SoO ka dei ka jingiateh kaba don lailiang mamla kaba don lang ka sorkar pdeng, ka sorkar Manipur bad ki kynhun lehnoh Kuki.La iasoi ha u snem 2008 ban pynsuk ia ka jingiakren iasuk bad ban trei sha ka jingpynbeit ia ka sain pyrthei.
Ki kynhun Kuki ki la kam ba katei ka ktem ka dang treikam naduh ba la iasoi ia ka jingiateh.Ki la kyntait ia ki jingkynnoh kiba pyniadei ia baroh ki dkhot jong ka SoO bad ka jingshah thombor ha Manipur.
Ki la kyntu ia ka sorkar ba kan pynthikna ia ka jingtohkit kaba shai halor ki jingshah kem bad jinglap ia ki tiar ialeh.
Ki seng ki la khot ruh ban pyntreikam mar katjuh ia ka ain.Ki la ong ba ki rai ki dei ban long katkum ki sakhi bad ki rukom treikam ba la pynskhem.
