Imphal, K’lyngkot 17 : Ka Sorkar Manipur kala thoh sha ka Ministry of Home Affairs (MHA) ba pan ia ka jingkyrshan jong ki helicopter hynne ka sngi Balang, ban lah tem ia ka jingnang jur ki kam iaumsnam ha ka sor khappud jong ka Moreh.
U Commissioner of Home, T Ranjit Singh, ula phah ia ka shithi ba kyrkieh sha u Additional Secretary (Police II Division) jongka MHA ba ban jur halorka jingiai bteng ki kam iather kuli ha Moreh. Kane ka jingialeh thma hapdeng ki bor pahara bad ki kaikhlaw Kuki, kala lam sha ka jingiap jong uwei u Pulit Commando hynne ka step.
Ka shithi ka ong ba namar ka jinglong jingman kaba ima ha Moreh, ka jingdonkam ia ki lad ai jingsumar ba kyrkieh ka lah ban mih ha kano kano ka por.
Ka Sorkar Manipur kala pan kyrkieh ia ki helicopter naka MHA ban pyndonkam la kumno kumno ruh haduh 7 sngi. Kane ka jingkyrpad kala mih hadien ka jingiather kuli ba shyrkhei ha sor Moreh hapdeng ki bor pahara bad ki kaikhlaw Kuki, kiba la pyndonkam ia ki tiar ialeh kiba khlain ha kylleng ki jaka hynne ka step sngi Balang.
Ka shithi ka kdew ruh ba ha ka 4 tarik Kyllalyngkot, ka MHA kala pan ia ka jingtip ba bniah halor ka por bad jingdonkam ia ki helipcopter ka MHA, haba pynpaw ia ka jingeh ban ai pyndonkam kat ba mon namar ka jingduna kiba bun hapoh ka thain Shatei Lam Mihngi.
