Imphal, K’Lyngkot 13: Da ki spah ngut ki phetwir ne ki internally displaced persons (IDPs), ha ka sngi Nyngkong kila ïamih sha surok jong ka nongbah Imphal bad kila pyrshang ban thom da ka bor ïa ka khyrdop jong ka Lok Bhavan, da kaba rah lang ïa ki ki placards kiba la thoh “Jubab halor ka dorkhas ba la ai ha u bnai Nohprah”.
Ïa kane ka jingïakhih la khot pynlong da ka Coordinating Committee on Manipur Integrity (COCOMI) bad ka IDPS, kadei ka kynhun ki seng kiba ïeng ïatylli na ka bynta ban ïada ïa ka jinglong trai jaka bad ban ithuh ïa ka kolshor bad ka jingiatylli ha ka imlang sahlang jong ka Manipur.
Ha ka dorkhas, ki IDPs kila khot ban buh da ka por, kaba la thoh na ka bynta ka jingpynkynriah jaka, da kaba kynnoh ba ka sorkar ka la iehnoh bein ïa ka jingeh jong ki.
“Ngi dawa ïa ka jingpynkynriah jaka kaba biang ha ki ïing tynrai hadien ka jingshah pynkynriah jaka kaba slem namar ka jingshah thombor jong ki jaitbynriew kaba la mih ha ka 3 tarik u Jymmang, 2023.Ka jingbym leh eiei jong ka sorkar bad ka jingpynlut ba la buh ha u bnai Nohprah 2025,” la ong uwei u dkhot jong ka IDP.
Shuh shuh ka dorkhas kala ong ba ki IDPs kila dep ban pynlong ïa ka jingïa shong kyllain mungor bad kila dep ruh ban phah ïa ka jingpynkynmaw ba man la sngi sha u Lat ka jylla bad sha u Chief Secretary ha kaba ïadei bad ka jingkular jong ka sorkar ban pynkynriah ïa ki hapoh u bnai Nohprah 2025, hynrei ka sorkar kam shym la leh eiei haduh mynta.
, ha ka sngi Nyngkong kila ïamih sha surok jong ka nongbah Imphal bad kila pyrshang ban thom da ka bor ïa ka khyrdop jong ka Lok Bhavan, da kaba rah lang ïa ki ki placards kiba la thoh "Jubab halor ka dorkhas ba la ai ha u bnai Nohprah”.){kind=link}