Imphal, Nohprah 04: Haduh 13 ngut ki met iap bym lah ban ithuh la lap hynne ka sngi Nyngkong da ki shipai napoh ka shnong Lithithu kaba hap hapoh ka Tengnoupal district ka Jylla Manipur kaba don markhap bad ka Ri Myanmar.
Ki tyllong khubor ki iathuh ba ki shipai kila lap ia kine ki met iap kiba la thiah harud surok khyndew kaba long khlaw haka shnong Leithu hadien ka jingiather kuli mar kylliang hapdeng ar kynhun.
La lap ruh iaki tiar ialeh kiba don mar syndah bad ki metiap kiba la thiah ha rud surok.
Haduh mynta, ym shym la lah ban ithuh iaki metiap hynrei kane ka jaka ba lap iaki metiap kadei ka jaka kaba don bun ki jaidbynriew Kuki.
Ki tyllong khubor ki iathuh ba kine ki met iap ki lah ban dei jong ki kynhun lehnoh bad ka jingiather kuli mar kylliang kala jia haka por ba ki mut ban rung shapoh ka Ri Myanmar.
Lah ban kdew ba ka Jylla Manipur ka don kumba 400 km ka khappud khlem ker sainar bad ka Ri Myanmar.
