Imphal, Rymphang 15: U Myntri Rangbah ka Manipur N Biren Singh ula iathuh ba ia ki briew kiba wan shongshnong ha Manipur hadien u snem 1961 khlem da khein ia ka jaidbynriew aiu aiu ruh, yn sa wad bad pynphai noh sha la ki jong ki jaka ba ki wan.
Ka Sorkar BJP ba ialam da u Biren Singh kala ju iai ban ba ka don ka jingiadei hapdeng ka thma iapher jaidbynriew hapoh ka Jylla bad ka jingwan poi wir ka bym lah tehlakam jong ki briew n aka rib a marjan-ka Myanmar.
Kat kum ka jingong jong u Myntri Rangbah, kane ka sienjam ka dei kaba la shim ban ai jingiada ia ki paid riewlum ba rit paid jong ka Manipur, kiba la mad ia ki kam umsnam naduh u Jymmang 2023.
U Singh ula ban jur ba kan nym don satia ka jingphiah arliang ia ka Manipur.
Kane ka jingkren u Singh kala mih na ka jingialum paidbah ba da ki spah ngut ha Imphal ban iakhih jai jai bad ban dawa ia ka Sorkar Pdeng bad Sorkar Jylla ba kin pynphai noh ia ki poi wir ba wan na Myanmar.
