Imphal, Iaiong 28: Ha ka jingialeh ban pynduh jait iaki kynhun lehnoh, ki bor pahara ki la ioh kem ïa 16 ngut ki dkhot naki kynhun kaikhlaw bapher bapher bad la ioh kurup 27 tylli ki tiar siat, ki bomb Improvised Explosive Devices (IEDs) bad grenade bad ki kuli na kylleng ka Jylla Manipur.
Ia kane ka jingkhynra la leh da ki shipai India ha ryngkat ka jingiatreilang bad ki Assam Rifles, ki pulit ka Manipur, ki CRPF, ki BSF, bad ki ITBP.
“Ki bor pahara ki la kem ïa ki lehnoh bad ki la kurup ïa ki tiar ïaleh ha ka jingïaid lynti jong ki jingïaleh pyrshah ïa ki kaikhlaw ba la pynlong hapdeng ka 20 bad 27 tarik Iaiong ha ki hynriew tylli ki distrik ba jur ki kam kaikhlaw kata ha Churachandpur, Tengnoupal, Imphal East, Senapati, Kakching, bad Bishnupur,” la ong ka kyrwoh khubor.
Ha ka 26 tarik Risaw, ki bor pahara ki la ioh kurup ia 8 tylli ki tiar ialeh ha Moltingcham, kaba don 2.5 km shaphang shatei lam mihngi na Sugnu ha Churachandpur district.
Ka jingkurup tiar ialeh ka kynthup ïa kawei ka suloi Self-Loading Rifle (SLR), ar tylli ki single-barrel rifles, bolt-action rifle, long-range mortars (Pompi) bad ki bomb grenade bad kiwei kiwei de ki tiar ba ju pyndonkam haki thma.
Ka khubor, la iathuh ba ha ka 25tarik Iaion, ki shipai ki la kem ia uwei u Over Ground Worker (OGW) ha Bishnupur district, ha kaba ki la kurup ia kawei ka suloi AK-56, ki tiar siat, bad kiwei pat ki tiar.
Ha katei ka juh ka sngi, ki shipai ki la ioh ban lap biang sa kawei ka jaka buh 8 tylli ki tiar ialeh kaba don ha Thamnapokpi ha Bishnupur district.
Ki tiar ba la ioh ban kurup ki kynthup ia kawei ka Carbine Machine Gun, kawei ka suloi 303, ar tylli ki suloi 9mm, saw tylli ki suloi single-barrel, ki bom grenade, ar tylli ki tiar pynbthei ba la shna hi kiba khia 2.2 kg bad 1.7 kg, ki tiar siat.
Kane ka jingkhynra kaba la pynjur ka wan hadien ba la pynjari ïa ka President’s Rule ha Manipur, ha kaba ki bor pahara ki la pynlong ïa ka jingkhynra kaba jur pyrshah ïa ki kynhun kaikhlaw.
 bad grenade bad ki kuli na kylleng ka Jylla Manipur.){kind=link}