Imphal, Naitung 16: Ki Pulit ka Manipur kila kem haduh 19 ngut ki briew halor ka jingkynnoh donkti ban wiang ding ia ki lai tylli ki trok ba kit ia ki LPG Cylinder bala thylli.
Ia kine ki briew la kem ha ka jingkhynra bala pynlong da ki bor pahara ka Sorkar Pdeng bad ki Pulit ka Manipur ha Sekmai Mayai Leikai, Imphal West hynnin ka sngi Saitjain.
Kine ki trok ki dei jong ka Misao Gas Agency bad kila shah wiang ding ha ki paidbhur ha ka por kumba 9:55 baje mynstep jong ka sngi Saitjain.
Kane ka jingkem kala wan jia ruh hadien ka jingujor ha Gamnom Saparmeina Police Station kaba hap hapoh ka Kangpokpi District, da u trai jong kane ka Gas Agency.
Kat kum ka khubor, ia kine ki kali la wiang ding ha ka por ba ki mut mih na Kangpokpi District hadien ba u trai ka Gas Agency ula ioh jingbit na ki bor ba dei khmih.
Pule ruh: Khynniuh u jumai na West Khasi Hills
