Shillong, Naitung 16: Ka Chief Engineer jongka tnad Public Health Engineering (PHE), ka Kong BM Lyndem, kala pyntip ba la pyndep ia ka jingpyndait ia ki pipe um kiba heh jongka Greater Shillong Water Supply Scheme Phase 3 (GSWSS Phase-III) bad mynta ki dang pyniaid shakhmat iaka jingleh “Test” ban pyntreikam noh ia ka jingpyniaid ia ka um lyngba kitei ki pipe um kiba dang shu dep pyndait.
Ka Kong Lyndem kala ong, ha kane ka khyllipmat, la khmih lynti ba ka jingtan ia ka um kan bun bha bad kan don ruh ka jingbym khuid jong ka um bad kan jngut bha ia mynta shipor lyngba ka jingpyniaid ia katei ka um na ki pipe um kiba la dep pyndait thymmai kaban poi sha ka nongbah Shillong bad ki shnong ba marjan.
“Kane ka jingbym khuid ka um kan long tang ia mynta shipor hi bad ka long kaba donkam na ka bynta ka jingsdang iaka jingpyntreikam ia ka Greater Shillong Water Supply Scheme (Phase-III) bad ka don ka jingpyrshang ha baroh ki liang ban ialeh ban sam mardor ia ka um kaba khuid ba suba sha ki nongshong shnong bad ki paidbah kin nym sngeweiei ia mynta shipor na ki daw bym lah kiar” la pynkut ka Chief Engineer ka PHE.
Also read: Manipur : Kem ki Pulit ia 19 ngut ki briew ba thang ia ki trok kit LPG Cylinder
