Imphal, Jymmang 13: Ki bor pahara ha ka sngi nyngkong kila kem noh ia ar ngut ki briew halor ka jingkynnoh ba ki donkti ban thombor ia ka ophis jong ka Rashtriya Swayamsevak Sangh (RSS) hapoh ka jylla Manipur ha Imphal East.
Kine ki briew kiba la shah kem la tip kyrteng kum u Haobijam Khumarjit (45) snem ka rta bad u Haobijam Mangangcha Singh, also known as Naobi (41) snem ka rta, bad baroh ar ngut kidei kiba shong basah Yumnam Khunou Awang Leikai, Imphal East district.
Ki bor pahara jong ka Central Security forces kila ia trei lang ryngkat bad ki pulit ka Manipur kiba la pynlong ia kane ka jingkhynra.
Katkum ka kaiphod, ki paidbah kila pynlong ia kane ka jingthombor ha u bnai Naiwieng jong u snem 2024, kiba dei na Yumnam Khunou Awang Leikai kaba hap hapoh u pud u sam jong ka Sagolmang Police Station, Imphal East District.
Hadien ba kila shim ia ka bynta ba kongsan ha kaba iadei bad kane ka jingthombor, kine ki ar ngut kiba la shah suba kila phet rieh ban lait na ka jingshah kem ha ki pulit.
Kane ka jingshah kem kadei hadien ka jingphone u Sohan Giri, uba dei u founder bad national president jong ka RSS, ha ka por ba don ka Chalo Manipur campaign kaba la long ha Delhi ha ka 3 tarik mynta u bnai Jymmang, 2025.
 hapoh ka jylla Manipur ha Imphal East.){kind=link}