Imphal, Rymphang 4: U nongialam jong ka Bharatiya Janata Party (BJP) u Yumnam Khemchand Singh u la shah jied ban long u Myntri Rangbah ka jylla Manipur ha ka sngi Ba-ar ha ka jingialang kaba la long ha New Delhi.
U Khemchand Singh dei u nongialam ba slem bha jong ka BJP bad uba dei ruh u MLA jong ka Singjamei Assembly Constituency, Imphal West.
U la shah thung kum u myntri sorkar ka sorkar kaba ar kaba la ialam da u N Biren Singh hadien ka elekshon jong u snem 2022 ha ka Manipur Legislative Assembly
U Singh u la bat kum u myntri sorkar naduh ka 20 tarik u Lber 2022 tad haduh ban da pynjari ïa ka Synshar President hapoh ka jylla Manipur ha u bnai Rymphang 2025.
Ha ka por ba u long myntri sorkar, u la bat ia ki kam ba kongsan kynthup ia ka tnad Municipal Administration & Housing Development (MAHUD), Rural Development & Panchayati Raj, bad Education.
Ha u snem 1982, u Khemchand uba dei u Black Belt Fourth Dan ha ka jingialehkai Taekwondo, u dei uba seng ïa ka Assam Taekwondo Association bad u la sah ha Guwahati la jan khyndai snem.Ka por ba u la hikai ïa ka taekwondo ïa ki riew kiba thrang na Assam ka la mih kynsan ka jingpyrshah jur ia ka jingbun bun ki bar ri hapoh ka jylla.Ka All Assam Students’ Union (AASU) ka la lam khmat ia kane ka jingiakhih ha Assam.
 u Yumnam Khemchand Singh u la shah jied ban long u Myntri Rangbah ka jylla Manipur ha ka sngi Ba-ar ha ka jingialang kaba la long ha New Delhi.){kind=link}