Shillong, Rymphang 04 : U Symbud Myntri Rangbah ba khmih iaka Tnad PWD (Roads & Buildings) Bah Prestone Tynsong, ula iakynduh ia bun ki kynrem ki lyndan ha New Delhi, ban tynruh ia ki kam pynroi bad ki project jingtei ba kongsan ban kyntiew ia ka roi ka par ka Meghalaya.
Ha kane ka jingleit Delhi, u Bah President ula iakynduh ia u Director General of Defence ban iakren ia ka jingaiti ia ka jaka shipai kiba don ha kylleng ka Nongbah Shillong sha ka Sorkar Jylla, haba kdew ia ka jinglong kongsan kine ki jaka na ka bynta ki kam pynroi hangne ha Sor.
“Shisien ba la aiti ia ki jaka shipai, ngin sa lah ban pyntreiam ia ki project kiba kongsan kiban ai shibun ki jingmyntoi ia ki paidbah jong ngi bad ka Jylla” ong u Bah Prestone.
U Bah Prestone ula iakynduh ruh ia u Managing Director ka National Highways and Infrastructure Development Corporation Limited (NHIDCL), haba pynleit jingmut ia ki project surok kiba kongsan, kynthup ia jingpynpoi ia ka flyover sha Barik Point bad ka jingshna ia ka High Speed Corridor na Umiam sha Malidor, nalor ban pynbha ia ka surok Shillong-Dawki bad Phulbari-Agia.
“Ka jingpyndep ia kine ki project surok kiba heh kan ai shibun ki jingmyntoi ia ki paidbah ka Jylla Meghalaya” ula ong.
Nalor kane, u Bah Prestone ula iakren ruh bad u Director General ka Ministry of Road Transport and Highway na ka bynta ban tei noh da ki jingkiengdewbilat ia ki jingkieng dieng ba shipor kiba don ha Jylla nalor ban pynheh ia ki surok ba kongsan kum ka Shillong-Nongstoin-Tura bad Phulbari-Rajabala-Mahendragank sha Mancacha.
 Bah Prestone Tynsong, ula iakynduh ia bun ki kynrem ki lyndan ha New Delhi, ban tynruh ia ki kam pynroi bad ki project jingtei ba kongsan ban kyntiew ia ka roi ka par ka Meghalaya.){kind=link}