Imphal, Nohprah 10: U Myntri Rangbah ka Jylla Manipur, u N Biren Singh u la kren ia ka jingkongsan ka Inner Line Permit (ILP) bad ong ba ka long kaba kongsan bha na ka bynta ban ïada ïa ka imlang sahlang kaba roi ka par, ka kolshor, bad ki riti dustur jong ki trai ri trai muluk jong ka Jylla.
Ka ILP kaba mih na ka Bengal Eastern Frontier Regulation jong u snem 1873, ka dei kaba la pyntreikam ha Manipur ha ka 9 tarik Nohprah 2019.
U Biren Singh u la pynpaw ba ka Manipur ka dei ka Jylla ba nyngkong eh ha ka ri India ban pyntreikam ia ka ILP hadien ba ioh ia ka jinglaitluid.
Ha shuwa kane, ka ILP ka la treikam ha Mizoram, Nagaland, bad Arunachal Pradesh, ha kaba jan 90% ki nongshong shnong ki dei na ki jaitbynriew riewlum.
“Ha Manipur, ha kaba kumba 40% na ki nongshong shnong ki dei na ki jaitbynriew riewlum, ïa ka ILP la pyntreikam hadien ba la bishar bniah ïa ka rukom im ki nongshongshnong, ka kolshor, bad ki riti dustur ba kyrpang jong ka Jylla” la ong u Biren Singh, da kaba ai burom ïa kane ka sha ka sorkar NDA hapoh ka jingsynshar jong u Myntri Rangbahduh ka ri u Narendra Modi.
U Myntri Rangbah ka Jylla u la kdew ruh ba katto katne ki jylla ka thaiñ shatei lammihngi, kynthup ïa ka Assam, Meghalaya, bad Sikkim, ki la ju dawa ban pyntreikam ïa ka ILP hapoh ki jaka jong ki.
Ula pynpaw ka jingsngewnguh ïa ka Sorkar Pdeng, khamtam ïa u Myntri Rangbahduh ka ri u Modi bad u Myntri kam pohïing u Amit Shah kiba la shim khia ban pyntreikam ïa ka ILP sha ka Jylla Manipur.
 bad ong ba ka long kaba kongsan bha na ka bynta ban ïada ïa ka imlang sahlang kaba roi ka par, ka kolshor, bad ki riti dustur jong ki trai ri trai muluk jong ka Jylla.){kind=link}