Imphal, Iaiong 7: Kumba lai ngut ki briew kila duh ei ïa la ka jong ka jingim bad shibun kiba la mynsaw hadien ba ki bor paha ka Central Reserve Police Force (CRPF) kila siat da ki ktang suloi ban pynpra ïa ki paid bhur kiba ïakhih ha Tronglaobi kaba hap hapoh ka Bishnupur district jong ka jylla Manipur ha ka sngi Ba-ar.
Katkum ki report, la iathuh ba katei ka jingjia, ka la jia ha Tronglaobi Maning, kaba don ha ka thain Gelmon, ha kaba bun bah ki trai shnong, ki la ïa lumlang shabar jong ka ktem jong ki bor pahara ka CRPF.
“Ki paidbah ki la ïalum lang ha ka ktem jong ki CRPF bad ki la pynlong ïa ka jingïakhih hadien ka jingshah thombor ba la suba da ki kaikhlaw Kuki ha kaba arngut ki para kiba dang rit ki la ïap bad ka kmie jong ki ka la mynsaw jur.Ban pynpra ïa ki nongïakhih kiba la khihwin shabar jong ka ktem, ki CRPF ki la siat ïa ki,” ong u heh pulit.
Ki paid bhur kiba ïakhih ki la kynnoh ba ki bor pahara ki la ai jaka rieh ïa ki kynhun kieng atiar bad ki la pyrshang ban hiar thma ïa ka ktem.Ka jinglong jingman ka la nang jur shuh shuh, ha kaba la don ki khubor ba la don ka jingpynjulor ïa ki barrack bad ki kali kiba don hapoh katei ka jaka.
Ïa kiba mynsaw la pynkit mar mar sha ki hospital ba marjan da ki kali shimet bad ki kali kit nongpang, ha kaba katto katne na kiba mynsaw jur la phah sha Imphal ban ioh ïa ka jingsumar ba janai.
Ïa ka jingkhein kaba thikna jong ki briew ba la mynsaw ym pat lah ban pynthikna da ki bor ba dei khmih.
Ka jinglong jingman ka dang jur ha katei ka thain, tad haduh kane ka por ba ai ïa kane ka khubor namar ba ki briew ki dang ïai bteng ban ïalum paidbah.
 kila siat da ki ktang suloi ban pynpra ïa ki paid bhur kiba ïakhih ha Tronglaobi kaba hap hapoh ka Bishnupur district jong ka jylla Manipur ha ka sngi Ba-ar.){kind=link}