spot_img

Manipur: Iakhih ki samla pule MBBS ba shah pynduh iakhun ia ka eksam First Year

Date:

Share post:

Imphal, Naiwieng 21 : Ki samla pule MBBS ba kynthup ia 27 ngut kiba hap phet shnong bad 6 ngut ba sah hostel jong ka Churachandpur Medical College (CMC), ha ka sngi Ba-ar kila pynlong ia ka jingiakhih namar ka jingshah pynduh ban iakhun ia ka eksam First Year kaba sdang hynne ka sngi.

Kine ki samla pule kila pynlong ia ka jingiaid rally na Tuibong Bazaar sha ka Ophis u Deputy Commissioner bad hangne kila pynlong ia ka jingiashong kyllain myngor. Hadien kane, kila leit ban aiti ia ka dorkhas sha u Additional DC.

U Coordinator ka North East Student Organisation (NESO) Ejan Lotha haba iakren bad kine ki samla pule, ula kular b aka seng kan sa shimkhia ia kane ka ishu jong ki bad kan pyrshang katba lah ban pynbeit ia kane kam.

Ha ka dorkhas bala phah sha ka Lat ka Jylla Annusuiya Uiker lyngba u ADC ka Churachandpur, la pyntip ba ki don haduh 27 ngut ki samla pule riewlum kila pyndap ia ki phorm eksam, admit card bad siew ruh ia ka bai eksam nalor ka jingaiti ia ki kot ban siew ia ka pisa lyngba u Deputy Commissioner (DC) ka Churachandpur.

Ka dorhas kala ong ba ki don haduh 27 ngut ki samla pule MBBS bad arngut ki BDS kiba pynkhreh ia ka eksam kaba dei ban long naduh ka 14 tarik Naiwieng bad 21 tarik Naiwieng.

Hynrei ha ka minit ba khatduh kata ha ka 13 tarik Naiwieng kila shah khang na ka jingshong ia ka eksam BDS bad ruh ia ka eksam MBBS kaba dei ban long naduh hynne ka sngi.

Share post:

spot_img
spot_img

Popular

More like this
Related

Pynkhlain ka Sorkar ia ki bor pahara ha Jylla ban iaid suk ka jingrakhe I-Day

Shillong, Nailar 13 : Ka Sorkar Jylla kala pynkhlain...

Dang ap ka Sorkar ia ka kaiphod jingtohkit ba kynnoh jah rngai u dewiong ba 4000 MT

Shillong, Nailar 13 : U Symbud Myntri Rangbah ba...

Kwah ka Jylla ia ka Delhi ban iakren bad ka Bangladesh ban shah ker sainar najan khappud ha Meghalaya

Shillong, Nailar 13 : Ka Sorkar Meghalaya kala iakren...

Rai ka BAC ban pynlong ia ka Dorbar Synrai ha ka taiew ba-ar u bnai Nailur

Shillong, Nailar 13: Ka Business Advisory Committee (BAC) jong...