Imphal, Naitung 13 : Ka kynhun ki Longkmie ha ka sngi Balang kila pynlong ia ka jingiakhih bad thang ia ki tyngshop jong u Myntri Rangbah Duh Narendra Modi bad jong u Myntri kam Pohiing Amit Shah nalor ki shipai Assam Rifle ha ki katto katne tylli ki jaka ha Imphal.
Kane ka jingiakhih kala jia ha Naoremthong Khullem Leikai bad Naoremthong Laishram Lairak. Kine ki Longkmie kila rah ruh ia ki placard bad ki banner haba pyrta slogan kum ka Narendra Modi Murdabad, Amit Shah Murdabad bad dawa ruh ia ki bor khmih ban weng noh ia ki shipai Assam Rifles na Manipur.
Haba iakren bad ki lad pathai khubor shabar jong ka jingiakhih ha Naoremthong Khullem Leikai, kawei ka Longkmie kala ther tyngeh ia ka Sorkar Jylla halor ka jingbym leh eiei bad jingshim kabu pynban ban myntoi ha ka sain hima sima na kane ka jingjia baroh.
Kine ki Longkmie kila kyntu ia baroh ki Nongialam ba kin puson bha ia kine ki jingjia ba jia baroh bad ban kiar noh n aka jingialeh politics.
Ha ka jingiakhih ha Naoremthong Laishram Leirah, ki nongiakhih kila ther tyngeh ia ki 10 ngut ki MLA Kuki.
Ha ka jingialang pyniasuk bala pynlong ha Kanglatongbi, Imphal West, la aipor 10 sngi ia u Myntri Rangbahduh ka Ri Amit Shah ba un wan iuhkjat ha Manipur bad ban shim ia ki sienjam ha kaban wanrah pat mar mar ia ka jingsuk ha ka Jylla.
Pule ruh: Manipur : Lait salit ki Pulit Commando na ka jingshah rahbor ha ki kynhun kaikhlaw
