Imphal, Nailar 07: Da ki spah ngut ki kynthei jong ka jaidbynriew Meitei kiba don ha ka lama jong ka Meira Paibi, hynne ka sngi Nyngkong, kila pynlong ia ka jingiakhih pyrshah ia ki shipai Assam Rifles ha ki 5 tylli ki District ka Manipur halor ka jingkynnoh ba kine ki shipai kila thombor palat liam ia ki jaidbynriew Meitei.
Kine ki Kynthei kiba la rah bad la ki placard bad banner kila pynlong ia ka jingiashong kyllain mungor baroh shisngi, haba dawa ban weng noh ia ki shipai Assam Rifles na ki san tylli ki District ka Jylla ba kynthup ia ka Imphal East, Imphal West, Thoubal, Bishnapur bad Kakching.
Ka Meira Paibi kala pynlong ruh dang shen ia ka jingiakhih pyrshah ia ki shipai Assam Ridles bad pakhang lynti ha kiba bun ki surok Highway ban khanglad ia ka jingrung ki shipai sha ki shnong ki thaw.
Kane ka jingpyrshah kala mih halor ka jingkynnoh ba ki shipai Assam Rifles kila thombor khlem sangeh ia ki jaidbynriew Meitei khamtam ia ki lui lui, ki riew tynmen bad ki samla.
Pule ruh: Thoh ka KSU sha ka NEHU ban ai jaka pule ia ki samla ba wan phet na Manipur
