Imphal, Naiwieng 11: Da ki hajar ngut ki samla pule hapoh ka lama Joint Students Body (JSB), ha ka sngi Saitjain kila iamih paidbah ha ka rally ban pyrshah ia ka jingle bym khein snep jong ki jaka pule ia ki samla pule ka Jaidbynriew Kuki-Zo ka Manipur.
Kane ka rally kala sdang la madan Lamka bad la pynkut ha Churachandpur.
Ki Samla pule Medical ba hap phet na JNIMS, RIMS bad kiba dang pule ia ka MBBS Training and PG Course, kim shym la lah ban pynbteng iala ka jingpule namar ka Sorkar kam shym la pynbeit jaka ia ki ban leit pule sha kiwei pat ki jaka.
Ki samla pule kila dawa ia ka Sorkar ba kan pynbeit noh mar mar ia ki jaka pule ba kin ioh leit bteng biang iala ka jingpule jong ki ha ki Jylla ba marjan.
Ki samla pule kila dawa ruh ban pynsdang biang ia ka Online Examination lyngba ka CDS Infotech Online Examination, kaba la pynsangeh hadien ba khie ka kam iaumsnam ha ka 3 tarik Jymmang 2023.
Kiwei pat ki mat bala sawa jam ha ka jingiakren ka kynthup ia ka jingshah thang ki kot ki sla/ ki certificate, ki kot pule jong ki samla pule bad khamtam eh ka jingthang ia ki certificate da uwei u briew ba kyrteng u Sintha Nganba Lourembam, kaba la saphriang ha ki social media dang shen.
, ha ka sngi Saitjain kila iamih paidbah ha ka rally ban pyrshah ia ka jingle bym khein snep jong ki jaka pule ia ki samla pule ka Jaidbynriew Kuki-Zo ka Manipur.){kind=link}