spot_img

Manipur: Hukum ka Sorkar ia ki Pulit ban ujor ejahar pyrshah ia ka Zomi Students Federation

Date:

Share post:

Imphal, Naitung 09 : Ka Sorkar Manipur kala hukum ia ka Tnad Pulit ban ujor da ka ejahar pyrshah ia ka Zomi Students’ Federation (ZSF) namar ka jingpynmih ia ka kot halor ki kam iaumsnam ha Manipur bala ai kyrteng “The Inevitable Split- Documents on State sponsored ethnic cleansing in Manipur, 2023″.

Ia kane ka hukum la pynmih da u Commissioner ka Tnad kam Pohiing ka Manipur, kaba bthah ruh ia ki Pulit ban leh tyngeh ia ki nongpynmih ia ka kot bad ruh ban khein beain ia kane ka kot.

U Commissioner ula hukum ban pynngat kam beain pyrshah ia u nongthoh bad ka Seng hapoh ka kynhun 154 bad kiwei kiwei jong ka IPC bad ban pynmih ia ka warrant pyrshah ia ka kot hapoh ka kyndon 95 jong ka Code of Criminal Procedure, 1973.

Haba kynthoh ia kane ka shithi ujor jong u Commissioner, ka Zomi Students’ Federation kala kam ba ka Sorkar Manipur kala pynmih da ki hajar sien ki jingthok lyngba ki lad pathai khubor electronics bad ki kot khubor naduh ka 3 tarik Jymmang, 2023.

“Kane ka jingpynduh jait ia ki jaidbynriew kala paw shai ba ka dei kaba la thmu lypa. Nalor kane, ka dei kaba la kyrshan bad ialam da ka Sorkar Jylla. Namar kata, ngi kynnoh beit ia ka Sorkar Manipur bala ialam da u Myntri Rangbah N Biren Singh uba dei u Meitei” kala ong.

Ka ZSF kala pynbna ba kan iai bteng ban pynpaw ia ki jingsngew jong ka bad ba kan nym riej na ki jingpyrshang thombor jong ka Sorkar ia ka hok ban kren bad pynpaw, kaba dei ka hok tynrai hapoh ka Riti Synshar ka Ri.

Share post:

spot_img
spot_img

Popular

More like this
Related

SPL | Mar 2 kol iakhaid ka Rangdajied United bad ka Laitkor SC

Shillong, Nailur 25: Ka jingiakhun hapdeng ka Rangdajied United...

Jam ka jingiakhih ka FASTOM sha ka sngi ba saw| rai ban pynbteng beit ia ka jingiakhih

Shillong, Nailur 25 : Ka jingiakhih jongka Federation of...

Plie u Bah Sanbor ia ka VB Park | Pynbna ia ki kam pynroi ha Jhalupara

Shillong, Nailur 25: U Myntri Sorkar Bah Sanbor Shullai,...

Shukor ka Khynnah skul ba shah lute ha Nongthymmai | Lah ban pynngat kam be-ain ki Pulit

Shillong, Nailur 25 : Ka khynnah skul ba kam...