Imphal, Risaw 30 : Ki Kmie Kpa jong ki samla pule ka National Institute of Technology (NIT), Langol, Imphal, ha ka sngi Nyngkong kila dawa ia ka Sorkar ba kan pynkynriah noh ia ki khun jong ki sha ka NIT College ka Nagaland/Kohima ne sha kino kino ki Jylla ba marjan.
“Watla ki bor pyniaid ka NIT kila pynbeit ia ka klas online hynrei ki jinghikai kim biang satia kat kum kaba dei ban ai namar ka college kam don ia ki jingdonkam ba biang pura ban pynbeit ia ka jingshim klas ia bun ngut ki samla pule kiba dei na ki saw tylli ki engineering branch, kata ruh 4 semester” ong ka Kmie jong uwei u samla pule NIT.
Kala ong ruh ba ka hukum ia ki klas online ka dang mih dang ha ka 9 tarik Risaw, 2023 bad dawa ba dei ban shim beit da ka offline class lyngba ka jingpynkynriahnoh ia ki samla pule.
Ki Kmie Kpa kila iamih ban dawa pynkynriah noh ia ki khun jong ki sha kiwei ki college kham kloi kat kaba lah hynrei kane kam shym la urlong satia haduh mynta.
“Ka pule puthi ka dei ka hok jong ngi, tang ka jingpynkynriah ka dei ka lynti. Ki khun jong ngi kila mad jingeh. Ngi dawa ban pynkynriah noh ia ki khun jong ki sha kiwei pat ki Jylla ba kin ioh ia ka jingpule kaba biang” ong ki Kmie Kpa.
Pule lang ia kane: Weng noh ka Sorkar ia ka jingpyrrkhing African Swine Flu na 3 ki farm ri sniang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
