Imphal, Jymmang 23: Kum shibynta ban bishar ia ki mokutduma halor ki jingjia iaum snam hapoh ka jylla Manipur kaba la jia ha ki ar snem kiba la leit noh, ka Sorkar Pdeng kala buh ia kawei ka iingbishar jong ka session court ha Churachandpur kum ka iingbishar kaba kyrpang.
Kane kala wan hadien ba ka National Investigation Agency (NIA) kala shimti ia ki katto katne ki case ha kaba iadei bad katei ka jingjia kaba mih ka jingiakynad hapdeng ki ar jaitbynriew.
Ka Ministry of Home Affairs (MHA) kala pynmih ia ka notification ha ka sngi Palei da kaba pyntikna ba ka Court of District and Sessions Judge, Churachandpur, mynta kan long kum ka Special Court katkum ka Section 11 jong ka NIA Act, 2008.
Ia kane ka rai la shim hadien ka jingiasyllok bad u Chief Justice jong ka Manipur High Court.
“Ka sorkar kmie, ha ka jingia syllok bad u Chief Justice jong ka High Court of Manipur, la thung ia ka Court of District and Sessions Judge, Churachandpur District, Manipur kum ka Special Court ne ka iing bishar ba kyrpang… na ka bynta ban tohkit da ka National Investigation Agency,” la pynpaw ka MHA.
U pud u sam, jong ka kane ka special court’s kan trei kam ha baroh kawei ka jylla jong ka Manipur.
Na kane ka jingia ums snam kila don haduh 260 ngut ki briew kiba la duh noh ia la ka jingim bad da ki hajar ngut ki nong shong shnong kila hap ban kynriah ne phet shnong.
Halor kane ka jingjia la pynjari noh da ka jingsynshar President’s Rule ha kane ka jylla ha ka 13 tarik u bnai Rymphang 2025 hadien ka jingrisain noh u Myntri Rangbah ka jylla Manipur u N. Biren Singh.
