Imphal, Naiwieng 23: U Myntri ka Koit ka Khiah Sapam Ranjan ha ka sngi Balang ula pynbna ba ka Manipur University ka dang ap ia ka jingai jingmut jongka National Medical Commission (NMC) ban pynlong ia ka eksam ba kyrpang ia baroh ki samla pule MBBS haba buh hakhmat ia ka jinglong jingman hapoh ka Jylla.
Haba iakren bad ki nongthoh khubor ha Lamphel Sanakeithel, u Sapam ula ong “Ia ka eksam ba kyrpang lah ban pynlong kat kum ka jingai jingmut ka NMC. Ka Jylla ruh ka donkam ia ka jingai jingmut jong ka namar baroh ki Medical College ka Manipur ki hap hapoh ka NMC”.
U Myntri ula ong ba ka Sorkar kala shimkhia bha ia ka bha ka miat jongki samla pule haba kyntait ia ki jingkynnoh ba ki samla pule MBBS ka Churachandpur kiba dei na ka jaidbynriew Kuki-Zo kila shah pynduh ban ialeh ia ka eksam.
“Ngi la kyrpad iaka NMC haba phai sha ki samla pule Medical ka Churachandpur bad pan ruh ban pynlong ha kiwei ki campus. Ka NMC kala mynjur ia kane” ong u Myntri.
Ula ong “Kat ki sienjam ba ngi la shim lane ki jingpynkylla ba ngi wanrah ha ki curriculum, ki dei beit kat kum ki kyndon bala buh da ka NMC. I aka Manipur, ngi don saw tylli ki Medical College kiba hap hapoh ka Manipur University kaba dei ka Central University. La bun bnai mynta, ngi la iakren bad iai iaken bad ka NMC ban pynbeit ia ki jingeh ki samla pule”.
Hadien ka jingjia ba 3 tarik Jymmang, ka Sorkar Jylla kala pyrshang ban pynthikna ba baroh ki samla pule kin iai bteng ban ioh ia ki jinghikai ba donkam bad kala leh ruh kat kaba lah na ka bynta ka bha ka miat jong ki samla pule.
 ban pynlong ia ka eksam ba kyrpang ia baroh ki samla pule MBBS haba buh hakhmat ia ka jinglong jingman hapoh ka Jylla.){kind=link}