Imphal, Nailar 13: Ka sorkar Manipur ka la ai por 15 sngi ia ki riew paidbah kiba don ia ki tiar siat beain ban aiti noh ia ki lane ban iakynduh ia ka jingshah pynngat ha ka ain, namar ba ka jylla ka la pynjur ia ka jingpyrshang ban ioh biang ia ki tiar siat kiba la shah lute bad kiba iaid kylleng naduh ba la sdang ka jingkulmar.
U Myntri Rangbah ka jylla u Yumnam Khemchand Singh u la pynmih ia kane ka jingmaham ha ka sngi Balang haba pyni nam ia ka jaka buh tiar ialeh, ki kuli bad ki tiar pynbthei kiba la ioh kurup da ki bor pahara bad ki bor jong ka ain ha kylleng ka jylla hapdeng ka 5 tarik u Rymphang haduh ka 11 tarik u Nailur.
Ka jinglap ka kynthup ia 1,422 tylli ki tiar siat, 7,010 tylli ki kuli bad 1,137 tylli ki tiar pynbthei, kaba pynpaw ia ka jingheh jong ka jingbuh tiar beain kaba ki bor pahara ki dang wad ban pynkhuid.
“Kiba don tiar siat ki dei ban aiti noh sha la ki jong ki jong ki MLA ne SP hapoh 15 sngi, lym kumta yn sa leh katkum ka ain”, la ong u Myntri Rangbah ka Jylla.
U Director General of Police u Mukesh Singh u la iathuh ba la ioh ban kurup palat 1,200 tylli ki tiar siat ha kine ki san bnai ba ladep.La iathuh ba kumba 600 tylli na kine ki tiar la shah lute na ki jaka buh tiar jong ka sorkar ha ka por ba don ka jingkulmar.
Ka sorkar ka la bthah ia ki riew paidbah kiba bat ia ki tiar siat ba beain ba kin aiti sha la ki jong ki jong ki MLA lane ki Superintendent of Police hapoh ka por ba la buh.Ia ka jingpyndem la buh kum ka lad ia ki briew ban aiti noh ia ki tiar ialeh shwa ban pynjur ia ki lad pynjari ain.
Ki heh sorkar ki la ong ba ka jingpynkhreh kan dang bteng ha baroh ki district, da kaba pynleit jingmut ha kaba pynduh noh ïa ki tiar siat beaiñ na ka jingpyndonkam kum shi bynta ban pynphai biang ïa ka jinglong jingman bad ban pynkhlain ïa ka jingshngaiñ jong ki paidbah.
Kane ka jingpynshitom beiñ kaba khatduh ka wan hapdeng ka jingpyrshang kaba dang ïai bteng jong ka jylla bad ki tnad pahara ban weng ïa ka jingbun ki tiar ïaleh kaba la pynmih ïa ka jingbym shngaiñ ha Manipur naduh ba la sdang ki jingïakynad.
