Imphal, K’lyngkot 22 : U Myntri Rangbah ka Manipur N Biren Singh ha ka sngi U Blei ula ai khublei ia u Myntri Rangbah Duh ka Ri Narendra Modi bad ia u Myntri kam Pohiing Amit Shah halor ka jingpynbna ban ker sainar noh ia ka khappud India-Myanmar bad ban pynkut ia ka Free Movement Regime (FMR) hapdeng ki ar Jylla.
Haba kren ha ka jingialang rakhe ia ka jingioh Jylla lajong, u Myntri Rangbah ula ai khublei ia u Mynti Rangbah Duh halor ka jingshim rai ban kern oh ia ka khappud ba 398 km jongka India-Myanmar ha Manipur bad ban pynkut ia ka FMR.
Haba iohi ia ka jingma kiba ap na ka jingbym ker ia ka khappud ba 1643 Km jong ka India-Myanmar kaba sdang naduh Arunachal Pradesh, Manipur, Nagaland, bad Mizoram, ka Sorkar India kala rai ban ker noh ia ka khappud bad ban pynduh noh ia ka FMR, kaba shah ia ki nongshongshnong ba shong syndah ki khappud ba kin rung ki mih tang 16 Km shapoh u pud u sam jong ki ar ri khlem ka passport ne visa.
Haba kren ha ka passing out parade jong ki 2551 ngut ki commando ka Assam Police ha Guwahati myn ha ka sngi Saitjain, u Myntri kam pohing ka Ri ula ong ba ka Sorkar Pdeng kala rai ban ker noh ia ka khappud India-Myanmar kumba leh ia ka Indo-Bangladesh bad ban bishar biang ia ka soskular hapdeng ka Myanmar bad India ban rung ban mih katba mon.
