Guwahati, Kyllalyngkot 24: U Myntri ka tnad Rel ka Sorkar pdeng u Ashwini Vaishnaw ula iathuh ba ka steshon rel jong ka Meghalaya, ka Mendi Pathar kan dei kawei napdeng ki 60 tylli ki steshon rel ban pynroi kum ki Steshon Amrit ne Amrit Station.
Ka Mendipathar kadei tang kane hi ka ka steshon rel ha ka jylla Meghalaya kaba la sdang treikam naduh u snem 2014.
U Ashwini Vaishnaw, haba kren lyngba ka virtual press conference aia ki lad pathai khubor ka thaiñ shatei lam mihngi ban batai bniah halor ki jingpynbna kiba kongsan ha ka mang tyngka jong ka rel 2024-25. La pynlong ia ka jingiakren bad ki nongpathai khubor ka long ban ai ka jingbatai kaba bniah bad kaba jylliew halor ka bhah tyngka bad ia ki sienjam kiba thmu ban shim ban wanrah ia ka jingkylla ha ka Indian Railways bad ban puynkup bor shuh shuh ia ka Northeast Frontier Railways.
U Myntri Sorkar ula pynpaw ba ka sorkar ka iengskhem ha ka jingkular ban pynthymmai ïa ki lynti rel bad ban pynthikna ïa ka jingsted ban pynheh ïa ki lynti rel ha ka thaiñ shatei lammihngi katkum ka Act East Policy. U Myntri ula jubab ruh ia ki jingkylli na ki lad pathai khubor, da kaba ai jingtip shuh shuh halor ki bynta bapher bapher jong ka mang tyngka kynthup ia ka jingpynroi ia ki jingtei bad ki lad jingiada ia ki nongleit nongwan.
U Myntri ula pynpaw ia ka jingsngewnguh ia u Myntri Rangbah duh ka ri bad Myntri Pla Tyngka ka sorkar pdeng halor ka jingshna iaka rekod halor ka jingmang tyngka kaba long T. 2,62,200 klur kum ka jingpynlut pisa na ka bynta ki Rel. U Myntri ula pynpaw ruh ba T.10, 376 Klur la mang na ka bynta ka thain shatei lammihngi ha u snem mang tyngka 2024-25 kaba long ka jingkiew kaba 5 shah na ka jingpynlut pisa kaba man la u snem ha ka por 2009-14. Ula pyntip ba T. 74,972 klur la dep mang na ka bynta ki 18 tylli ki projek kiba dang iaid shakhmat kiba kynthup ia ki lynti rel kiba thymmai kiba jrong 1,368 km.
Ki katto katne ki mat ba kongsan na ka bynta ka mang tyngka jong ka thain shatei lam mihngi ha u snem 2024-25 ki long kumne harum:
● Ka jingpynkiew ia ka mang tyngka kaba T.10,376 klur na ka bynta ka thain shatei lammihngi.
● 173 km ki lynti iaid thymmai ha ka shisnem ha ka por 2014-24 haba ianujor bad tang 67 km ha ka shisnem ha ka por 2009-14.
● Ka jingpynbiang bording ia ki 142 Km ki lynti iaid kjat ha ka shisnem ha u snem 2014-24. Kane ka jingkhein ka long 0 ha ki snem 2009-2014.
● Ka jingpynroi ia ki 60 tylli ki steshon kum ki steshon Amrit
Arunachal Pradesh (1): Naharlagun (Itanagar)
● Assam (50) : Amguri, Arunachal, Chaparmukh, Dhemaji, Dhubri, Dibrugarh, Diphu, Duliajan, Fakiragram Jn., Gauripur, Gohpur, Golaghat, Gosai gaon hat, Guwahati, Haibargaon, Harmuti, Hojai, Jagi Road, Jorhat Town, Kamakhya Jn, Kokrajhar, Lanka, Ledo, Lumding Jn, Majbat, Makum Jn, Margherita, Mariani Jn, Murkongselek, Naharkatiya, Nalbari, Namrup, Narangi, New Bongaigaon Jn, New Haflong, New Karimganj Jn, New Tinsukia Jn, North Lakhimpur, Pathshala, Rangapara North Jn, Rangiya Jn, Sarupathar, Sibsagar Town, Silapathar, Silchar, Simaluguri, Tangla, Tinsukia, Udalguri, Viswanath Chariali
● Manipur (1): Imphal
● Meghalaya (1): Mendi Pathar
● Mizoram (1): Sairang (Aizawl)
● Ri Naga (1): Dimapur
● Sikkim (1): Rangpo
● Tripura (4): Agartala, Dharmanagar, Kumarghat, Udaipu
● Ka jingtei ia ki 470 tylli ki jingkieng rel & ki jingkieng hapoh naduh u snem 2014
● Manipur (1): Imphal
● Meghalaya (1): Mendi Pathar
● Mizoram (1): Sairang (Aizawl)
● Nagaland (1): Dimapur
● Sikkim (1): Rangpo
● Tripura (4): Agartala, Dharmanagar, Kumarghat, Udaipu
● Ka jingtei ia ki 470 tylli ki Rail Flyover & ki jingkieng kiban iaid napoh naduh u snem 2014
U Myntri ula ban jur ia ka jingthmu jong ka sorkar ban pynlong ia ka Indian Railways sha ka kyrdan kaba ia ryngkat ha ka kyrdan kaba heh ha ka pyrthei, ha kajuh ka por ban kyntiew ruh ia ka roi ka par bad ka jingthaw ia ka lad aikam aijam.
Hadien ka jingkren jong u Myntri, na ka liang u Chetan Shrivastava, GM, NFR ula pyntip ba la mang pisa bha na ka bynta baroh ki kam ba iadei bad ki jingtei & jingshngain haba ia nujor bad ki snem ba la dep.
U GM u la pynbna ba ka jingpynpoi bording ia ka 921 RKM la leh ha u snem 2023-24. 1573 RKM ki Track la thmu ban pynpoi bording hapoh u snem 2024-25. Kane kan pyndep ia ka jingpynpoi bording ha baroh ki Jylla ka thain shatei lam mihngi kaba T.694.69 klur la mang na ka bynta ki kam pynmih bording na ka bynta ka N. F. Railway.
Ka jingmang pisa mynta u snem ka pyni ia ka jingkiew kaba khlem pat ju jia mynno mynno ruh ha ki katto katne ki bynta na ka bynta ka N.F. Railway. Kumba 8378.53 klur la mang na ka bynta ki projek New-Line bad Doubling Projects. Da kaba buh ia ka jingshngain bad ki jingtreikam ha ka kyrdan ba hakhmat eh, T. 1305.07 klur la mang na ka bynta ki kam pynthymmai ia ki lynti rel bad ki kam shna jingkieng bad T.170 klur na ka bynta ki kam Signalling & Telecom bad la mang T.537 klur ban pynbha ia ki jingdonkam jong ki nongleit nongwan ha ki steshon rel.
