Resubelpara, Nailur 22 :Ka North Garo Hills kala ioh ia ka jingkyrkhu da ka skul Jawahar Navodaya Vidyalaya (JNV) ba nyngkong eh ha ka District ha kaba u Myntri Rangbah ka Jylla Conrad K Sangma hynne ka sngi palei, ula pynbna ban sa wanrah ia kane ka jaka pule ha ka shnong Raja A’pal ia kaba la dep ban mang kumba T. 36 klur tam ha ka wat ba nyngkong ha ka mang tyngka.
U Myntri Rangbah ula plie ruh ia ka jaka pule ba shipor jong ka JNV, kaba dei ka skul rim, kaba ki Khynnah kin ioh ban sdang ia ka jingpule tad haduh ban da pyndep ia ki jingtei ha ka jaka ba shirta, ka ban pyntrei da ka Central PWD lane kiwei kiwei.
Encourage the teachers to teach with the purpose of making positive impact in the lives of the students, to mould them into future leaders of Meghalaya.
I wish the faculty and students the best! @dpradhanbjp @EduMinOfIndia pic.twitter.com/D04oqlQqkX
— Conrad Sangma (@SangmaConrad) September 22, 2022
Ka skul JNV ka dei ka skul ka sorkar pdeng naka bynta ki khynnah kiba wan na ki jaka nongkyndong jong ka Ri India. La pyniaid ia kine ki skul da ka Navodaya Vidyalaya Samiti, New Delhi, kaba dei ka kynhun ba treikam laitluid hapoh ka Tnad Department of School Education and Literacy, Ministry of Education, ka Sorkar India.
Ha ka jingialang buh maw nongrim, u Myntri Rangbah ka Jylla Conrad K Sangma ula pyntip ia ki Nokma jong ki shnong bapher bapher, ki riew rangbah, ki kmie kpa bad ki samla pule na North Garo Hills ba ka Sorkar MDA ba u ialam kala pynleit jingmut bha ha ka ban kyntiew ban pynjanai ia ka pule ka dangle hapoh ka Jylla.
“Khnang ba ka Jylla kan kiew, ka pule ka dangle jong ki Khun jong ngi ka donkam ban hap buh hakhmat eh bad ngi la wanrah ia ki prokram bapher bapher bad ki Policy halor kane ka kam. Ngi la dep pyllait ia ka Education Policy ka ban kdew lynti kumno ban pyntyllun shakhmat ia ki kam” ong u Myntri Rangbah.
U Conrad ula ong ruh ba ka Sorkar kala wanrah ruh ia ki sienjam ban maramot ia ki skul bapher bapher, ban tei ia ki Iingskul ba thymmai bad ban pynheh ia ki kamra shong klas jong ki khynnah.
“Ka Sorkar jong ngi kala pynlut haduh T. 1500 klur sha ki skul ba ai jingiarap ka sorkar ha Jylla bad ha kine ki saw snem shiteng, ngi la wanrah ia ka plan ban pynjanai ia ka kam pule puthi ha Jylla” ong u Myntri Rangbah haba ai jingiaroh ia ka jingtrei shitom jong u MLA Timothy D Shira ban lah wanrah ia ka JNV hapoh ka thain.
U Myntri Rangbah ula pynbna ruh ia ka song pisa ba T. 10 klur ban tei bad maramot ia ka surok Raja A’pal kaba long ka surok ba kongsan bha shisien bala sdang treikam ka JNV na ka jaka ba shirta.
Ha kane kajuh ka sngi, u Myntri Rangbah ula leit jngoh ruh ia ka hospital 100 jingthiah bala tei ha Chidaret bad leit jurip ia ka jingkieng ban ioh mang pisa.
The construction work of the 100 Bedded Civil Hospital at Resubelpara (Chidaret) in North Garo Hills District has resumed. Visited the site with officials to check the progress of the work@mansukhmandviya pic.twitter.com/oMG4WmDDW8
— Conrad Sangma (@SangmaConrad) September 22, 2022
Inspected the ongoing construction of the Chidaret bridge over Damring river under the Meghalaya Integrated Transported Project (MITP) funded by @WorldBankIndia.@nitin_gadkari pic.twitter.com/TsuCvbp5lx
— Conrad Sangma (@SangmaConrad) September 22, 2022
