Nongpoh, Risaw 16: Ka Ri-Bhoi Youth Federation, Western Zone kala maham ïaki paidbah ba ñiah kali lyngba u surok Umling-Patharkhmah ba kim dei ban pynher sted haba niah kali hynrei ban ñiah suki kumba u surok mynta u la bha bad la dep ban siang rong mar shiteng.
Haba phah ïaka kyrwoh naka liang u Bah Remdor Nongtri Publicity Secretary ka RBYF Western Zone u la ong ba ka long ka jingma kaba khraw bad lah ruh ban wanrah ki jingjia ba sngewsih lada ki paidbah ki ñiah sted ha utei u surok u ba kdor bad khongwaiñ kumba la don ruh ki jingjia ba sngewsih kiba la dep jia haki sngi bala dep naduh ka jingtyngkhuh kali bad kumjuh ruh ba hap ki kali sharud surok.
Kum abn shu pynpaw ba ka jingshna ïa utei u surok bad ban siang rong kala ïaid shaid shaid bad thmu ban pyndep kloi naka bynta ka jingbit jingbiang jong ki paidbah hadien phew snem bala shah ieh.
Naka liang ka seng kala maham ïaki kali kit khia ba kim dei ban ïaid lyngba utei u surok khamtam ki trok ba kit palat pud namar ka jingduh noh jong u surok khamtam ka jingma ïaka jingkieng Lailad.
