Shillong, Naitung 22: U Superintendent of Police ka East Khasi Hills u Bah Sylvester Nongtnger hynne ka sngi Nyngkong ula maham ban leh da kaba tyngeh pyrshah ia kiba pynkheiñ ia ki kyndon ain niah kali ha Shillong.
U Bah Nongtnger ha ka kyrwoh khubor, ula ong ba kala don ka jingkiew ha ka jingbun ki kali kiba kynthup ia ki ar shaka bad ki kali saw shaka, kiba la pyndait da ki tiar kiba pynmih ia ka jingsawa kiba jam bha ha ka nongbah, khamtam ha ki por ba ki briew ki dang iaid dang ieng bha, kaba wanrah ia ka jingsngewsih ia ki tymmen, ki briew kiba tlot bad ia ki khynnah rit bad kiwei kiwei kiba donkam ia ka jingjar jar.
Ula ong shuh shuh, wat hadien ba la dep ban kyntu man la ka por, la iohi hi ba ki kali ki dang pyndonkam da ki iit ïong, ki light kiba thaba bad ki siren ha ki kali ki jongki da kaba pynkheiñ ïa ki kyndon ain bad ki kyndon ïaid kali.
U SP ula kyntu ia ki nongniah kali ba kin kiar na ki jingpynkhein ba la kdew haneng khnang ban pynthikna ia ka jingshngain ha surok bad ia ki nongleit nongwan ha ka nongbah Shillong bad ia kiwei kiba wan jngohkai ia ka nongbah bad ula ong, ba ia kiba pynkhein kin ngat ha ka jingpynshitom katkum ka kyndon jong ka ain.
