spot_img

Maham u Myntri ia ki ADC ban shah ktah ka jingioh song pisa lada slem aiti ia ki Accounts

Date:

Share post:

Shillong, Jylliew 15: U Myntri ka Tnad District Council Affairs (DCA) ma Lahkmen Rymbui hynne ka sngi Balang, ula maham ba ka jingioh song pisa jong ki District Council ka Jylla ka lah ban shah ktah lada ki nang pynslem ban aiti ia ki jingkhein jingdiah ia ka jingpynlut pynsep  (Accounts) jong ki.
“Kane ka dei ka kam kaba hap shimkhia bha. Ki ADC ki dei ban sngewthuh bad aiti noh ia ki account kham kloi namar lada kim lah ban aiti ha ka por ba buh, ka lah ban ktah ia ka jingioh song pisa lashai lashisngi” ong u ma Lahkmen haba iakren bad ki nongthoh khubor.
Ha ka 10 tarik u Jylliew, u Lat ka Jylla u Satya Pal Malik ula bthah ia ka sorkar Jylla ban thung ia ka jingtohkit halor ka jingbym lah ki ADC ban aiti ia ki Accounts jong ki snem ba la leit noh.Kane ka la mih hadien ka jingioh pdiang ia ka shithi na ka Ophis u Comptroller and Auditor General ka India myn ha ka 8 tarik Jylliew, ba iadei bad ka jingbym lah jong ki ADC ban aiti ia ki account la bun bun snem bad ka jing bym wanrah ia ka kaiphod CAG ha ki Iingdorbar jong ka Council.

Haba kylli la ka sorkar kan thung ia ka jingtohkit halor kane ka jingpynslem, u ma Lahkmen ula Ong ba watla um pat peit ia ka shithi na u Lat ka Jylla hynrei ka Sorkar ka la dep khot jingialang bad ki lai tylli ki ADC kata ka KHADC, JHADC bad GHADC.

“Ngi lah btah ia baroh lai tylli ki ADC ba ki dei ban jubab ia ka CAG bad ruh ban phah copy sha ngi khnang ba ngi ruh ngin tip.Hynrei haduh mynta, ngim pat ioh eiei na ki ADC. Ngi dang ap mynta ia ka jubab jong ki ” ula Ong.

Nalor kane, u Myntri ka Tnad DCA ula pyntip ba ka Tnad ka lah ban jur ia ki ADC  ba kin pynthymmai janai bha halor ka rukom pynlut pynsep na ka pla pisa.

“Ki don ki ADC kiba la pyrshang ban pynbiang ia ki jingdonkam ba la kdew ha ka kaiphod jong ka CAG ha ki snem ba la leit noh. Nga kyrmen ba ha kane ka kynti ruh kin pyrshang katba lah ban pynbiang khnang ba rukom pynlut pynsep ha ki snem ban wan kin long noh kiba shai” ula Ong.

U ma Lahkmen ula pyntip ruh ba kat kum ka kaiphod CAG, ki ADC kim shym la aiti ia ki jingkhein jingdiah naduh u snem 2009, 2010 bad 2011.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img