Shillong, Nohprah 22 : U Additional Deputy Commissioner ba khmih ia ka Sohra Civil Sub Division, ula maham ia ki nong khaii shini kiba hap hapoh ka Sub Division, ba kim dei ban set ne buhrieh ia ka shini ha ki kudam.
Une u Ophisar ula ong ba ki Nongkhaii ki dei ban kiar ha kaban leh ia kane ka kam, kaba ju leh tang ban pynduna ia ka jingdon ka shini ha iew, ka ban lam sha ka jingkiew dor ka mar.
U ADC ula bthah ia ki Nongkhaii naduh ki Wholesaler, Retailer bad ki Nongpynmih shini hapoh ka Sub Division ba ki dei ban register bad pyntip ia ka jingdon ka stock shini hapoh ka website ka Sorkar http://esugar.nic.in ban ioh peit pyrman ia ka jingdon ka stock shini.
