Shillong, Lber 20: Ki pulit ka East Khasi Hills ki la maham ba kin pynngat ha ki kyndon aiñ ïa ki kmie ki kpa kiba ailad ïa ki Khun ba dang khynnah ka rta ba kin niah kali ba pyndonkam da ki battery ha ki surok hadien ka jingsaphriang ka Video ba pyni ïa uwei u heprit ba dang kumba 4-6 snem ka rta uba niah arshaka (mini bike) ha kawei ka surok National Highway.
U Superintendent of Police (SP) ka East Khasi Hills u Bah Vivek Syiem u la ong ba katei ka kam ka buh jingma ia u heprit bad ka pynkhein ruh ia ka kyndon 4 jong ka Motor Vehicles Act, 1988 namar ba ki khynnah rit ki duna ka jingbishar ia ki Signal, ban niah na ki liang kiba dei bad ki khongdong bym iohi.
“Ka jingrit jong kine ki kali arshak (bike) ka shem jingeh ia kiwei ki nong niah kali ban iohi bad wat ki jingshah tynrah kiba rit ruh ki lah ban wanrah ia ka jingmynsaw kaba jur” la ong u SP.
Ki pulit ki la ai jingmut ba kiba dang hapoh 18 snem kim dei ban niah arshaka ne kali ha ki surok paidbah bad ki khynnah rit ki lah ban pyndonkam ia kum kine ki bike tang hapoh ka jingpeit jong ki rangbah ha ki park, ki jaka ialehkai ne ki jaka sah briew.
“Ki Shillong Traffic Police kin shimkhia ia ka jingpunkhein iaka ain niah kali bad ki kmie ki kpa ki lah ban shah pynshitom katkum ka kyndon Section 199A (amended 2019) ha ryngkat bad ka jingshah set phatok haduh lai snem bad ka kuna kaba T.25,000” la maham u SP .
 ha kawei ka surok National Highway.){kind=link}