Shillong, Naitung 22: Ka Shillong Traffic Police (STP) hynne ka sngi Nyngkong kala kyntu ia ki nongshong shnong ba kin bud ryntih ia ki kyndon iaid kali bad ban kiar naka jingpynkheiñ ia ki aiñ ki kanun kum da kaba iaid na ki surok ‘One Way’ bad Wrong Side Overtaking ne ka jingjam shakhmat naka liang ka bym dei.
U SP ka EKH u Sylvester Nongtnger ula pyntip lyngba ka kyrwoh khubor, ba kila ioh ia ki jingtip ba ki don ki nongñiah thuk thuk kiba mlien ban pynkheiñ ïa ka ‘One Way’ kaba buh ha ka jingma kaba khraw ïa ka ïaid ka ieng jong kiwei pat kiba pyndonkam ia ka surok.
Shuh shuh, ha kaba iadei bad ka jingiaid jong ki kali ar shaka, la iohi bunsien, ki kali ar shaka ki iaid shakhmat na ka liang kadiang bad kumta, ka pynlong ia ka jingma ia kiwei pat ki nongleit nongwan khamtam ia ki nongshong kali kiba hiar na ki kali kaba lah ban ialam sha ka ka jingjia aksiden kaba lam shaka jingiap briew.
Ka Shillong Traffic Police (STP) ka kyrpad ia baroh ban bud ryntih ia ki kyndon pyniaid kali haba don ha surok bad ban bat ia ka akor ha kaban niah kali bad kino kino kiba pynkhein ia ki aiñ ki kanun kinshah pynngat ha ki kyndon ain.
 hynne ka sngi Nyngkong kala kyntu ia ki nongshong shnong ba kin bud ryntih ia ki kyndon iaid kali bad ban kiar naka jingpynkheiñ ia ki aiñ ki kanun kum da kaba iaid na ki surok ‘One Way’ bad Wrong Side Overtaking ne ka jingjam shakhmat naka liang ka bym dei.){kind=link}