Shillong, Risaw 08 : Ka Khasi Students’ Union (KSU) kala bthah ia baroh ki MLA ka ri-lum Khasi Jaintia ba kin long kiba husiar bha haba iadei bad ka jingtyrwa pynpoi lynti rel hapoh ka thain.
“Kum ki nongmihkhmat paidbah, ki dei ban tip ia ki jingma kiba lah ban wanrah da ka lynti rel, khamtam ka jingwan tuid ki bar jylla bad ka jingma jong ka jingwan buhai shnong beain” ong u General Secretary ka KSU samla Donald V Thabah ha ka kyrwoh ba pyllait ha ka sngi Ba-ar.
Kane kala mih shisngi hadien ba u Myntri bad MLA ka Jirang Bah Sosthenes Sohtun, ula pynpaw ba u kyrshan ia ka jing wan ka rel kit mar hapoh ka thain.
U samla Donald ula ong ba ka jingwanrah ia ka rel kit mar kan wanlam pat sha ka rel kit briew, kaba lah ban iapein ia ka jingdon ki jaidbynriew ha ka thai bad ka jingsngain ka ioh ka kot haba kdew ia kaei kaba jia ha ka por jong U Tirot Sing Syiem, ha kaba, na ka jingshna surok ka wan pat ka East India Company ban hiar thma ia ka ri-lum Khasi.
Ula pynkynmaw ruh ia ka jingbym don ki ain ba treikam ha Meghalaya ban tehlakam ia ka jingwan rung ki briew ba nabar bad ban iada ia ka kamai ka kajih jong ki trai shnong., kaba long kongsan ban iada ia ki trai muluk ka thain.
Ula buh jingkylli ba hato la don ki MLA kiba dawa pyntreikam ia ka ILP na ka Sorkar Pdeng lane pynsngew ia kane ka kam ha ki rynsan ka Sorkar bad ha ki lad pathai khubor.
Ka KSU ka ban jur ia ka jingkut jingmut ba kan iakhun pyrshah ia ka project lynti rel tad haduh ba la don ka jingiada ia ka hok bad ka bha ka miat ki trai ri trai muluk. Kala kyntu ia ki paidbah ka thain ba kin peit pyrman bad buh hakhmat ia ka bha ka miat ba shirta jong ka Jaidbynriew ban ia ka jingiohnong shimet.
 kala bthah ia baroh ki MLA ka ri-lum Khasi Jaintia ba kin long kiba husiar bha haba iadei bad ka jingtyrwa pynpoi lynti rel hapoh ka thain.){kind=link}