Shillong, Jymmang 05 : Ka Jaintia Students’ Union (JSU), Khliehriat Circle ha ka sngi Ba-ar, kala leit ban buh ia ka “jingujor bym lah ban iapein” ha ka Meghalaya State Pollution Control Board (MSPCB) pyrshah ia ka jingthmu tih par mawshun ba 217.394 hectare daka M/s Shree Cement Ltd ha Lum Syrman Elaka, Nongkhlieh.
Ka JSU kala dawa ba dei ban pynsangeh mardor ia ka public hearing bad ban pynduh pyndam syndon ia ka project.
Ha ka shithi sha u Member Secretary ka MSPCB, u President ka JSU samla Livingson Sama ula ong ba ka seng kan pynsdang mardor ia ka jingiakhih paidbah hapoh ka District lada pynbteng ia ka jingai jingbit, bad kan nang pynheh ruh ia kaneka kam da kaba rah sha ka National Green Tribunal (NGT) bad ka Meghalaya High Court.
“Lada ka MSPCB ka jied ban kyntait ia kine ka jingujor bad pyniaid beit shakhmat ia ka jingthmu ai jingbit kaba bakla, phin ieh ia ka Jaidbynriew jong ngi khlem kano kano ka lad ka lynti. Ngin pynlong ia ka jingiakhih paidbah ha baroh ka District ban iada ia ka Elaka jong ngi. Nalor kane, ngin nang pynheh ia kane ka kam thok kam shukor da kaba rah beit beit sha ka NGT bad ka Iingkashari Meghalaya High Court” ong ka shithi.
“Lada kane ka iaid shakhmat, ngin pynthikna ba ka MSPCB, ha ryngkat ka SEIAA, kin shim jingbah khlieh pura namar ka jingbym trei hok ia ka kam, ka jingpynjot ia ka mariang, bad ka jingnang buh jingeh ha ka jingknieh be-ain ia ki jaka ki riewlum” kala bynrap.
Ka Seng ka dawa ban pynsangeh shuwa mardor ia ka public hearing, ban khein iap shuwa ia ka TOR ka bym treikam, bad ban pynduh pynduh pyndam ia kane ka project, haba ban jur “Ka khyndew ka shyiap jong ngi kam dei ka mar ban die, bad ka jingjot ka mariang jong ngi kam dei an long na ka bynta ka jingiohnong ki kompani”.
Ka JSU ka niew ia ka jingpynhap kyrdan ia ka project kum ka “Category B1’ kum ka jingleh bakla kat kum ka ain haba iasaid ba hapoh ka jingpynbna ka EIA u snem 2006, kano kano ka mining lease ba palat 50 hectare, kala hap hi dalade hapoh ka kyrdan ‘Category A’, kaba donkam ia ka jingbishar da ka Ministry of Environment, Forest bad Climate Change ha New Delhi.
“Ka State Environment Impact Assessment Authority (SEIAA), Meghalaya, kala iaid lait ia ka ain da kaba ai ia ka Terms of Reference (TOR) na ka bynta ka project kaba heh kat kane. Ka MSPCB ka lah ban pyniaid ia ka public hearing haba pynshong nongrim na ka TOR ba long beain” ong u Sama.
Ka Seng kala kynnoh ruh ba ka draft EIA ka thmu ban pynduh pyndam ia ka spah mariang jong ka thain.
, Khliehriat Circle ha ka sngi Ba-ar, kala leit ban buh ia ka “jingujor bym lah ban iapein” ha ka Meghalaya State Pollution Control Board (MSPCB) pyrshah ia ka jingthmu tih par mawshun ba 217.394 hectare daka M/s Shree Cement Ltd ha Lum Syrman Elaka, Nongkhlieh.){kind=link}