Nongpoh, Jylliew 05 : Ka District School Education Officer (DSEO), Ri Bhoi District Kong P. Lyngdoh Nonglait hynne ka sngi Nyngkong, kala maham ia ki Skul hapoh ka District ba kim bit ban thong pisa ne ai pisa sha kino kino ki Ophisar jong ka Tnad Pule Puthi kiba kular ba kin pynioh ia ki skhim bapher bapher la ka dei na ka Sorkar Jylla ne ka Sorkar Pdeng.
Kane ka jingmaham na ka DSEO kala mih hadien ka jingioh jingtip ba ki don ki skul kiba shah pynngop ha ki briew ka tnad Pule Puthi, kiba la leit ban pynsngewthuh bakla ia ki bor pyniaid skul ba ki hap ban siew pisa khnang ba kin ioh ia ka jing pynmang skhim, permission ne regularization.
Haba iakren bad ki nongthoh khubor, ka DSEO kala pyntip ba kala ioh pdiang ia ki jingtip bad jingujor halor ka jingshah pan pisa ki bor pyniaid skul ha ki Ophisar.
“Nga pynshai sha ki bor pyniaid skul ba kim donkam ban siew ne ai pisa sha kino kino ki briew ka Tnad pule puthi la ka dei naka Ophis DSEO, SDEO, SSA, DMC, BMC ne kiwei kiwei, ba kin ioh ia ki skhim, permission ne regularization. Kaba donkam hi ka long tang ba kin pynbiang ia ki jingdonkam kat kum ki kyndon bala buh da ka Sorkar” kala ong.
Ka DSEO kala kyntu ba lada don ki skul kiba shah pan pisa ha ki briew ka tnad Pule Puthi ban pynioh skim ne kiwei kiwei, ki dei ban wan pyntip ne ujor khnang ba ka Ophis bad ka Tnad kan leh ia kaba donkam pyrshah ia kine ki briew.
, Ri Bhoi District Kong P. Lyngdoh Nonglait hynne ka sngi Nyngkong, kala maham ia ki Skul hapoh ka District ba kim bit ban thong pisa ne ai pisa sha kino kino ki Ophisar jong ka Tnad Pule Puthi kiba kular ba kin pynioh ia ki skhim bapher bapher la ka dei na ka Sorkar Jylla ne ka Sorkar Pdeng.){kind=link}