Shillong, Lber 20: Ki bor district ka East Khasi Hills hynne ka sngi ka la pynmih iaka hukum bala khang pyrshah ban thang ding dusmon ia ki khlaw ki btap khlem da peitngor -kiba lah ban buh jingma ban wanrah ïa ka jingpluh khlaw bad ka jingjulor ïa ka mariang, ki nongkynti bad ka jingduh ki mynsiem briew.
Ka hukum ba la pynmih da ka District Magistrate ka Kong RM Kurbah, ka la maham ruh ba kino kino kiba pynkhein ia kane ka hukum, kin shah pynngat ha ki kyndon ain 233 jong ka BNS.
Ia kane ka hukum la pynmih hadien ba la ioh jingtip ba ka don ka jingthang khnang iaki khlaw ha sawdong jong ka district bad ba ki don ki jingthang khlaw pathar kiba wanrah ia ka jingpluh khlaw.
Kumta, ka hukum ka long kaba donkam ban pynthikna ia ka jingshngain jong ki paidbah nongshong shnong, bad ruh ban pynthikna ia ka jingiada ia ka mariang na ka jingnang jot bad kumjuh ruh ka jingma ia ka jingshngain bad ka jingduh ia ka jingim briew.
