Shillong, Nailar 19 : Ka Central Recruitment Board (CRB) ka Tnad Meghalaya Police kala pynmih ia ka jing pynbna paidbah ba phah phikir ia ki nongiakhun kam Pulit halor ka kyrwoh khubor ba lamler bala pynmih ha ki social media, kaba kam bala pynmih ia ki mark jong ka written eksam.
Kat kum ka jingong u Dalton P Marak, Inspector General of Police (SB/Bdr) Cum-Chairman, CRB Meghalaya Police, Shillong, ka Board ka khlem pyllait satia ia kum kane ka kyrwoh khubor bad la bthah ia ki nongiakhun kam ba kin kyntait ia kane ka jingpyntip ba ialam bakla.
La pyntip ia ki nongiakhun kam ba ia ki khubor halor kane ka eksam yn sa pynmih beit thik tang ha ka website jong ka Meghalaya Police bad ha ki kot khubor ba paw ka Jylla.
Ka CRB kala kyntu ia ki riew paidbah ba kin husiar bad kiar na ka jingngeit lane pynsaphriang ia kum kine ki jingtip bym thikna.
 ka Tnad Meghalaya Police kala pynmih ia ka jing pynbna paidbah ba phah phikir ia ki nongiakhun kam Pulit halor ka kyrwoh khubor ba lamler bala pynmih ha ki social media, kaba kam bala pynmih ia ki mark jong ka written eksam.){kind=link}