Beijing/Jishishan, Nohprah 19: U Jumai uba 6.2 magniture ula khynniuh ha ka thain Shatei lam Sepngi ka China hynnin ka miet shiteng synnia, kaba lam sha ka jingiap palat 116 ngut ki briew bad pynmynaw haduh 400 ngut tam.
Kat kum ka China Earthquake Networks Centre, une u jumai uba khynnih ha ka thain Gansu bad Qinghai Province ha ka por 11:59 baje eiei bad ka jingjylliew jong u ka long 10 Km.
Kat kum ka jingpyntip ka Earthquake Relief Headquarter ka China, la ong ba hadien une u jumai ba nyngkong kala don biang ka jingkhynniuh ha kine ki artylli ki jaka.
Haduh 105 ngut ki briew kila iap ha Gansu bad 11 ngut kila iap ha Qinghai namar une u jumai, ong ki lad pathai khubor ka China.
Ha kajuh ka por, haduh 397 ngut ki briew kila mynsaw jur ha kine ki artylli ki jaka ba khynniuh u jumai.
