Shillong, Nailar 26: U MLA ka Jowai constituency Bah Wailadmiki Shylla u la lum ia kajingïalang jong ka District Road Safety Committee ban ïaphylliew jingmut halor ka jingjia akident khah khah ha surokbah kaba hap hapoh ka Jowai Constituency.
Kane ka wan hadien ka jingjia aksiden kali kaba la shim ia ka jingim jong i khunlung ba dang 2 snem bad uwei u rangbah ha ka 21/08/25 ha Thadlaskeiñ, Mukhla, West Jaiñtia Hills District.
Ha kane ka jingiakynduh ha Mukhla Pyllun, la don lang ki ophisar jong ki bor District, u DTO, ki Pulit, ki ophisar ka tnat PWD ba ki ophisar jong ka tnat ka koit ka khiah.
Hadien ka ka jingïalang, ka Committee ka la leit jurip ia ka jaka ba jia katei ka jingjia aksident kaba shyrkhei ha Thadlaskein bad haka shnong Mookyndur kaba don ha ka surok Jowai-Shillong.
Haba kren shaki lad pathai khubor u MLA ka Jowai constituency u la pyntip ba u la bthah ia ki tnat ba dei peit ban pynthikna ia ka jingshngain ha surok bad ban iada ia ka jingim briew kum ka mat kaba hakhmat eh.
