Shillong, Naiwieng 03: U Symbud Myntri Rangbah u Bah Prestone Tynsong u ba khmih ruh iaka tnat District Council Administration (DCA) hynne ka sngi ula lum ka jingialang jong baroh lai tylli ki District Council ban iakren halor ka pyndonkam noh ia ki kor Digital ban buh jingthoh ia ki jaka puta (digitization of land Record).
Haba kren sha ki lad pathai khubor u Bah Prestone ula iathuh baka sorkar India lyngba ka tnat Land Resources kala mynjur ban bei tyngka naka bynta ban pynrung noh ia ki jingthoh halor ki jaka puta katkum ka juk digital ba mynta.
“Namar kata ngi la shong jingialang bad ngi la shim rai ban bthah iaki District Council ba kin pyntreikam iaka jingbuh jingthoh iaki jaka puta katkum ka juk mynta lane digital daka ba thung hi daki Implementing Agency” la ong u Bah Prestone.
U Bah Prestone ula iathuh baka Sorkar kan sa thaw daka Project Management Unit (PMU) ka ban khlieh da ki heh ka tnat District Council Affairs (DCA) haka jingdon lang ki dkhot naka tnat Revenue Department, na ki ophis DCs bad ki district councils.
“Ngi la rai ba hadien bala pyndep ia kane baroh, ki District Council kin pyntreikam noh ia ka jingkhien iaki jaka puta katkum ka juk mynta lane digitalization” ula ong.
