Shillong, Risaw 17: U Deputy CEM ka ka Khasi Hills Autonomous District Council (KHADC) ba khmih iaka tnat Elaka, Bah PN Syiem hynne ka sngi u la lum ka jingialang bad ki Rangbah Shnong ka Nongbah Shillong ban iasyllok bad iamir jingmut halor ki sienjam ba donkam ban shim ha ka ban ratdyngkhong ia u drok ha Nongbah.
Ha kane ka jingialang, la wan shim bynta daki Rangbah Shnong, ki nongialam ka Synuk NongSynshar Shnong bad ki riew rangbah na kylleng ka Nongbah Shillong.
Haba kren bad shaki lad pathai khubor, u Bah PN Syiem u la iathuh ba ka thong jong ka jingialang kadei ban iatai sani bha ba da kumno kin lah ban pynduna ia ka jingjyllei u drok bad ka jingbun kiba ngop ha utei u jingdih ba shyrkhei.
U Bah PN Syiem u la ong bah aka jingialang, ka KHADC kala pan jingmut ruh naki Rangbah Shnong bad na baroh kiba wan shim bynta, haba iadei bad ki sienjam bad ka kamram jong ki Dorbar Shnong haka thma pyrshah ia u Drok.
“Nalor ki mat ba la kren ha kane ka sngi ngi la kyntu ruh ia ki Rangbah Shnong lada ki dang don shuh ki jingmut ba kin phah biang hapoh ka shi taiew sha ka Council khnang ba kan bishar bniah hashuwa ban pynbna paidbah” la ong u bah PN Syiem.
U Deputy CEM u la iathuh ruh ba hadien ba u Lat ka Jylla u la ai ka jingmynjur ia ka Administration of Elaka Amendment Bill, kaba mynta ka la long aiñ, na ka liang ka Council mynta ka pynkhreh ban thaw ia ki Rules hashuwa ban pyntip paidbah.
U Bah PN Syiem u la iathuh ba hapoh kane ka ain Administration of Elaka Amendment Bill kin don ruh ki Vigilance Committee lane ka kynhun kaban peitngor kaban treilang bad ki bor ka ain la ka long haba kaban ia khun pyrshah ia u drok la ka long ia ki nongkhaii lane ia ki nongdih ruh.
 ba khmih iaka tnat Elaka, Bah PN Syiem hynne ka sngi u la lum ka jingialang bad ki Rangbah Shnong ka Nongbah Shillong ban iasyllok bad iamir jingmut halor ki sienjam ba donkam ban shim ha ka ban ratdyngkhong ia u drok ha Nongbah.){kind=link}