Shillong Nohprah 07: Ka Committee GTCC jong ka MSOA kala iakynduh ha ka Sngi Balang ha kaba kala iatai na ka bynta ka jingpynkhreh ban pynlong ia ka 5TH Meghalaya Games naduh ka 15-20 tarik u Kyllalyngkot 2024 ha Tura, West Garo Hills.
Ia katei ka jingialang jong ka GTCC kaba la long ha ophis treikam jongka Meghalaya State Olympic Association la pyniaid da u Working President ka MSOA u Bah John F Kharshiing uba long ruh u Chairman jongka GTCC ha kaba la iadonlang u General Secretary ka MSOA & Member Secretary ka GTCC Bah Finely L Pariat, u Assistant Director jong ka tnad Sports and Youth Affairs u Bah Paia B War Nongbri bad kiwei kiwei.
U Bah John Kharshiing ula pyntip ba katei ka jingialang kala neh haduh saw kynta ha kaba kila ioh ban pynbeit ia kiba bun ki kam kiba iadei bad jingai jingtip na ki 18 tylli ki State Sports Associations jong ka jylla kiba la long kiba la khreh ban pynlong ia ka jingialehkai ha Tura.
Ula iathuh ba ka GTCC hadien ba kala shong bishar bniah ia ki kam bad ki jingpynkhreh baroh jong ki Sports Association kumta yn sa phah ia kitei ki jingtip sha ka Organising Committee jongka 5th Meghalaya Games 2024 ban bishar bniah bad ban ai ka jingmynjur ia ki jingdonkam kiba la pynkhreh.
