-->

Lum jingialang ka ECI ban pynkhreh ia ka Elekshon Lok Sabha 2024 ha ki 8 tylli ki Jylla NE

Date:

Share post:

Guwahati, Naiwieng 22 : Ka Election Commission of India (ECI) kala lum ia ka jingialang bad ki bor pyniaid elekshon jong ki phra tylli ki Jylla ka thain Shatei Lam Mihngi bad West Bengal, ban iasyllok halor ki jingpynkhreh ia ka elekshon Lok Sabha 2024.

Ha kane ka jingialang la iadonlang ki Heh ka Election Commission, ki Chief Electoral Officer bad ki Police Nodal Officer jong ki phra tylli ki Jylla ka thain kynthup ka West Bengal.

Ka jingialang kala iashong bishar kam ruh halor ka Special Summary Revision (SSR) jong ka Electoral Roll, ka ba dang iaid mynta shaid shaid ha ki Jylla.

Ki Heh ka ECI kiba la iawan sha ka jingialang ki kynthup ia u Senior Deputy Election Commissioner Dharmendra Sharma bad u Nitesh Kumar Vyas, u Deputy Election Commissioner Hirdesh Kumar, Director General Neeta Verma bad Director PankajSrivastava bad Deepali Masirkar.

Ki CEO bad ki State Police Nodal Officer ka Arunachal Pradesh, Assam, Nagaland, Manipur, Mizoram, Tripura, Meghalaya, Sikkim bad West Bengal kila ai ia kajingbatai kaba bniah halor ka jingpyniaid ia ka SSR jong ka Electoral Roll bad ki plan bad jingpynkhreh ia ka elekshon Lok Sabha.

Share post:

-->
spot_img

Popular

More like this
Related

Shah ktah jur ka Mawsynram ba khang ia ka khaii pateng ha khappud India-Bangladesh

Shillong, Risaw 23 : Ka jingkhang ia ka iew...

Ka jaka ba jur slap tam ha pyrthei | Ka Rain Museum ha Mawsynram kan khring bha

Shillong, Risaw 23 : Ka jingpyntreikam ia ka Rain...

Aiti ka KHADC ia ka Wah U Tim View Point sha ka Hima Mawlong

Shillong, Risaw 23 : Ka Khasi Hills Autonomous District...

Pynsangeh ka MHA ia ka jingthmu thied jaka ia ki BSF ha SWKH

Shillong, Risaw 23 : U Executive Member ka KHADC...