Shillong, Iaiong 03 : Hadien ka jingjop jong ka Concert u Alan Walker bad Afrojack ha Shillong, ka Sunburn mynta kala phaikhmat ban wan iuhkjat ha kane ka Nongbah kaba la tip kum ka “Music Capital” ka Ri India bad kan plie paidbah ia ka Intellectual Property (IP) ba thymmai bala tip ka “Ka Tamasa Lyiur” kaba la buh ban long ha u bnai Jymmang.
Ka Sunburn kala ithuh ia ka Nongbah Shillong kum ka iewbah ha ka put ka tem bad ka jaka kaba la khring ia ki nongput nongtem na kylleng ki Ri ka pyrthei.
Ka tamasa Electronic Dance Music (EDM) ne ki tamasa ka put ka tem iaki sur shad da ki kor Electronic ba hehduh ka dewbah Asia, Sunburn kala pynkyndit ia ka jingkhmih lynti da ka jingpyllait paidbah ia ka Intellectual Property (IP) ban pynlong ia ka tamasa ba nyngkong eh bala tip kum ka “Sunburn Summer Fest”.
Pynkhreh ia ka jingsynshar ki sur jingrwai electronic na ki nongtem nongrwai kor electronic ki ban sa wan hiar ym tang ha kawei ka jaka hynrei ha artylli ki jaka ban pynlynguh ha kane ka shisngi jong ka kut taiew.
Sngew ia ka jingkhih ki lum bad ki madan ha Shillong ha ka 10 tarik Jymmang, 2025 da ki sur put sur tem electronics bad ia ki ticket jong kane ka tamasa ba nyngkong eh ka Sunburn Summer fest, lah ban ioh tang na ka BookMyShow, ka rynsan die ticket tamasa kaba hehduh hapoh Ri India.
Ki kyrteng ki nongtem nongrwai ban wan kiew ha ki rynsan ha kane ka tamasa ba nyngkong eh ki dei shisha ki syiem jong ka put ka tem da ki kor electronic, baroh kiban wanrah iala ki jong ki sap sha kane ka tamasa. Ka kynhun tem Vini Vici kan pynkylla ia ka madan tamasa sha ka jingialang ki riewlum da ki jingtem shoh jadu, ki sur ba pynkhih ia ki thied ki jaw kaba pynlong ia ki ban long ki riewkhraw ha ki tamasa bah eh jong ka pyrthei.
U syiem ki jingtem Electronic Dimitri Vegas un pynlynguh ia ka madan da ki jingrwai kiba la synshar ia ki rynsan tamasa bah eh jong ka pyrthei.
Kiwei pat ki kynhun nongtem bad nongrwai ki ban wan pynshongshit ia u paidbah ha kane ka tamasa ki kynthup ia ka DubVision, ka Third Party na UK nalor ki nongtem nongrwai electronic nala iing ba kynthup ia ka Siana Catherine, Gary Daniel, Reuel Roy, Quills bad DJ Aedrian.
 ba thymmai bala tip ka “Ka Tamasa Lyiur” kaba la buh ban long ha u bnai Jymmang.){kind=link}