Nongstoin, Jylliew 22: Ka West Khasi Students Union (WKSU) hynnin ka miet sngi Balang, kala leit ban pynsangeh ia ka jingleh screening jong ka Ophis ka DSO ia ki khynnah skul ki ban ialehkai ha ka Subroto Cup.
Kane ka jingleit pynsangeh ka dei tang halor ka nongrim ba ia kane ka jingleh screening la pynlong wat haduh ka por mynmiet.
Ka WKSU hapoh ka jingialam u Secretary Banshanlang Syiemlieh kala leit ban pynsangeh ia kane ka jingleh screening ha ka por 9:30 baje mynmiet bad pynpaw baka seng kam sngew iahap shuh ba ka Ophis ka DSO kan bat sah ia ki Khynnah kat haduh kane ka por mynmiet.
Ka WKSU kala kyntu ia ki skul bad ki khynnah kiba wan screening bad ki bym pat sngewhun ia ka jingleh screening hynnin ka sngi ba kin iawan biang ha ka 23 tarik ha ophis ka Tnad Sports ha ka jingiadon lang ka WKSU ban ioh peit bha ryntieh ia ka rukom leh screening.
Kane ka seng kala kyntu ruh ia u DSO ba kum kine ki jingjia kim dei ban nang jia biang hapoh ka District haba maham ruh ba lada jia eiei ia ki Khynnah skul kiba wan screening haduh ka por 9:30 baje mynmiet, ka DSO ka dei ban shim ia ka jingbah khlieh.
Pule ruh: Dkut ka surok Nongstoin-Wahkaji ha Nongkynjang ba trei suki ka kompani na Russia
 hynnin ka miet sngi Balang, kala leit ban pynsangeh ia ka jingleh screening jong ka Ophis ka DSO ia ki khynnah skul ki ban ialehkai ha ka Subroto Cup.){kind=link}