Shillong, Risaw 13 : Haduh phra ngut ki Nongialam ka North Shillong Block Congress Committee kila phet seng bad leit ban pyniasoh ialade sha ka Bharatiya Janata Party (BJP).
Baroh kine ki phra ngut kila ai ia ka shithi iehnohkam sha u General Secretary ka MPCC hynne ka sngi palei.
Kine ki phra ngut ki kynthup ia u Nivash Paul, uba dei u secretary ka NSBC bad unit president ka Oakland bad Beaver Road Unit, Biswajit Dutta, General Secretary ka Oakland bad Beaver Road Unit, Chiranjib Dey, Treasurer, Biplab Paul, Joint Secretary, Litsala Sangtam, President ka Mahila bad lain gut ki executive members – Sahim Deb, Kishore Deb bad Amarjit Chakraborty.
Kila pynpaw ia ka jingsngew skhem ba tang ka BJP kaba lah ban wanrah ia ka Sorkar kaba khuid bad kaba treikam bha ha ka Jylla Meghalaya. Kila ai ruh ka jingkhublei ia ka Congress kaba la ailad ia ki ban shakri ia ka party la palat 10 snem.
