Leit pyniasoh BJP ki Nongialam ka TMC bad Nongbud u MLA ka Mawsynram

Date:

Share post:

Shillong, Nailar 09: Ki Nongialam ba hakhmat ka Trinamool Congress na Mawsynram kiba dei ruh ki Nongialam ba hakhmat jong u MLA Bah Himalaya M Shangpliang, hynne ka sngi ba-ar, kila leit ban pyniasoh noh ialade sha ka Bharatiya Janata Party (BJP).

Kane ka jingleit pyniasoh jong kine ki Nongialam ka TMC la I ruh kum ka jingplie lynti ia u MLA Bah Himalaya ban leit pyniasoh noh ialade sha ka BJP ban ban mih aireng na kane ka Party ha ka elekshon MLA-2023 na Mawsynram.

Ia kine ki Nongialam ba hakhmat ka TMC bala ialam da u Vice President Bah Rudy Shangpliang, la pdiang sngew bha da u National Executive Member ka BJP Bah A.L.Hek uba dei ruh u MLA ka Pynthorumkhrah ha ryngkat ka jingiadonlang u Vice President ka Party Dipayan Chakraborty.

U Bah Hek ula pynskhem ruh ia kine ki nongialam ba thymmai ba kin pyntyllun ia ki kam ki jam kum ka jingpyn khreh ia ka elekshon MLA na Mawsynram, ka ban long ha u snem ban wan.

U Bah AL haba kren ha kane ka sngi u la ong ba kane ka jingwan pyniasoh jong ki nongialam na Mawsynram sha ka BJP ka pyni ia ka jingshaniah jong ki paidbah mynta ia ka jingtreikam u Myntri Rangbahduh ka Ri u Narendra Modi.

“Nangne shakhmat phi la dei ki dkhot ba pura jong ka BJP bad kumta phi dei ban trei borbah khnang ba u kyrtong jong ka party un jop, ” u la ong.

Ha ka jingiakren bad ki lad pathai khubor, u Bah AL Hek um shym la pynpaw shuh la katei ka jingwan pyniasoh jong ki kadei shi bynta jong ka jingplie lynti ia ka jingwan pyniasoh u Bah Hima Shangpliang.

“Ngin ap ka por kan sa batai bad phin sa iohi lut. Kin sa don ruh bun kiwei pat kynthup naduh ki MLA barim kiban sa wan ban pyniasoh, ” u la ong.

Na ka liang u Bah Rudy u la ong ba kane ka jingwan pyniasoh kadei kaba la leh hadien ka jingbishar bniah bad ka jingshem ba ka BJP ka dang kham lah ban ia ka TMC.

Share post:

spot_img

Popular

More like this
Related

Kem ki Pulit ia 5 ngut ki riewkiengatiar ba rah pistol Russia na Mawsynram

Kurup ia ka ID ka seng National Hynniewtrep People...

Elekshon KHADC | “Ngan ym kular thok I’u paidbah” ong u kyrtong ka NPP ka Langkyrdem

Shillong, Rymphang 09 : U kyrtong ka NPP na...

Manipur CM N. Biren Singh resigns amid political turmoil and Supreme Court probe

GUWAHATI, Feb 9: In a dramatic political development, Manipur...

Manipur | Hiar shuki u Biren Singh kum u CM hapdeng ki jingjia umsnam bad jingtohkit ka SC

Guwahati, Rymphang 09: U Nongthombam Biren Singh ula hiar...