Guwahati, Nailar 06 : Bun bah ki Nong Bangladesh kiba la wan sha India na ka bynta ki kam ki jam bad ba wan phah sumar, kila leit phai biang sha la ka jong ka Ri hadien ba ka Sheikh Hasina kala iehnohkam kum ka Myntri Rangbah Duh bad phet krad napoh ka Ri.
Ki nong Bangladesh kila pynpaw ia ka jingkyrmen ba ka jinglong jai jai kan wan phai biang noh hapoh ka Ri hadien ba ba la kut ka por synshar jong ka Hasina.
“Ngi kyrmen ba ka jinglong jingman kan kham jai jani noh hapoh ka Ri bad ba ki Ophis kin sdang ban plie noh. Ka Hasina kala pynlong ia ka riti synshar paidbah kaba dum ngut bad nga ngeit ba kane ka jingkylla kan nang bteng ban pynneh ia ka jingiadei ba iajan bad ka India namar ki nong India kila iarap ia ngi ha u 1971. Ngim lah ban klet ia kane ka jingshisha” ong u Azizul Haque, u hehspah ka Bangladesh ba wan donkam sha India.
U Md. Asif uba dei u nongwan shangkai na Ri Bangladesh ula ong, “Kumno ka Ri kan wan phai biang sha ka jai jai ka dei ka rai kaban shim da ki riew rangbah, ka Sorkar ba shipor. Mynta ki jingjia kila kham duna bad ngi kwah ba ka jingiadei bad ka ri India kan iai neh beit ha ka jingiabha”.
Ka Myntri Rangbah Duh ka Bangladesh Sheikh Hasina kaba iehnohkam bad phet kren hapoh ka Ri hadien ka jingiakhih kaba jur bala neh da ki bun taiew, ban pyrshah ia ka kam bhah thungkam. Da ki spah ngut ki briew kila iap ha kane ka jingiakhih.
