Shillong, Jylliew 11 : Ka Khasi Students’ Union (KSU) North Khasi Hills District, kala leit ban ai jingkyrshan ia ka Longkmie na Umden Kong Bindas Syiem, kaba dang shong shah jingit khlem pud hajan Secretariat ban ioh ia ka surok kaba paka na Nongpoh-Umden-Sonapur.
Ki Nongialam ka KSU bala ialam da u President Bah Ferdynald Kharkamni, kala leit hynnin ka sngi Nyngkong, ban ai mynsiem bad jingkyrshan ia kane ka longkmie.
“Ka jingiakhih kane ka Longkmie ka dei kaba don nongrim. Ki paidbah ka thain Umden ki don ia ka hok ban dawa ia kane ka surok kaba dei u budlum ka roi ka par jong ka thain” ong ki nongialam ka KSU-NKH.
Kila ong ba ka Sorkar lyngba ka Tnad PWD kala shu ieh shrah ia kane ka surok da ki phew snem haduh ba ka surok kala jot rathai bad pynsyllang ia ka leit ka wah u paidbah.
 North Khasi Hills District, kala leit ban ai jingkyrshan ia ka Longkmie na Umden Kong Bindas Syiem, kaba dang shong shah jingit khlem pud hajan Secretariat ban ioh ia ka surok kaba paka na Nongpoh-Umden-Sonapur.){kind=link}