New Delhi, Nailar 13 : U Myntri Rangbah ka Jylla Conrad K Sangma ula leit iuhkjat bad leit jngoh ia ka “”Pradhanmantri Sangrahlaya” kaba dei ka Prime Ministers Museum,ha New Delhi.
Haba kynthoh ha ka X (ba ju tip kum ka Twitter) u CM ula thoh “Nga la leit jngoh ia ka “Pradhanmantri Sangrahlaya”, Prime Ministers Museum, ha New Delhi. Ka jingshem kaba pher shisha”.
Ia u Myntri Rangbah ka Jylla la synran da ki bahaiing hasem kynthup ka Kurim bad ki arngut ki Khun Kynthei.
U Myntri Rangbah Duh ka Ri Narendra Modi ula plie paidbah ia ka Pradhanmantri Sangrahalaya ha New Delhi ha ka 14 tarik Iaiong. Kane ka jingtei ka don ha ka Teen Murti Complex.
Ia kane ka complex la plie kum shibynta jong ka Azadi ka Amrit Mohatsav- ka jingrakha ba 75 taiew kum ka dak ka jingdap 75 snem ka jingioh laitluid ka Ri.
