Shillong, Lber 16: Ka Khasi Students’ Union (KSU) NEHU Unit haka 14 tarik Lber kala leit jngoh ïa ka Neima Children’s Home, kaba don ha Pynursla bad synniang ruh da ki kot pule bad pynlut por bad ki khynnah kiba sah ha kane ka jaka ri khunswet.
Ka phangpdeng jong ka jingleit jngoh iaka Neima Children’s Home ka long “to long u symbaijong ka jingbha.”
Ka General Secretary jong ka KSU NEHU Unit, samla Ibakordor Marwein ka la ong ba ki nongpyniaid ka Neima Children’s Home ki la iathuh ba kila seng iaka jaka ri khunswet namar ba bun ki khunswet na Meghalaya ki hap ban phah shabar ka Jylla sha ki Mission namar duna jaka sah haki jaka ri khunswet hapoh ka Jylla.
Ki dkhot jong ka KSU ki la pynlong ia ka jingïalehkai pynbyrngia bad ki khynnah naduh Class nursery haduh Class XII bad ki la sam ïa ki jingai sngewbha nalor ki kot pule ban ai mynsiem bad pynshlur ïa ka jingpule.
“Ngi kyrmen ba kan long ka nuksa ïa ka imlang sahlang ban ai ka kti jingïarap ïa kine ki khynnah” ong ka samla Ibakordor bad bynrap ba ka KSU ka kwah ba ka jingleit jngoh kan ai mynsiem bad ai jingkyrmen ïa ki ba kin iai trei shitom bad ha kawei ka sngi kin ïarap ïa kiwei pat kiba ïakynduh jingeh.
 NEHU Unit haka 14 tarik Lber kala leit jngoh ïa ka Neima Children’s Home, kaba don ha Pynursla bad synniang ruh da ki kot pule bad pynlut por bad ki khynnah kiba sah ha kane ka jaka ri khunswet.){kind=link}